અમદાવાદમાં ૩૯૯ IP કેમેરા, સુરતમાં ૧૬૬, વડોદરામાં ૮૭, રાજકોટમાં ૩૩, ભાવનગરમાં ૨૪, અને ગાંધીનગરમાં ૨૦નો સમાવેશ
અમદાવાદ : થોડા સમય પહેલા રાજકોટની એક હોસ્પિટલના હેક થયેલા સીસીટીવી ફૂટેજ વાયરલ થયા હતા. જે બાદ દેશભરમાં સીસીટીવી ફૂટેજને લઈ ચર્ચા શરૂ થઈ છે. રાજકોટની ઘટના બાદ ગુજરાતના ઘણા શહેરોમાં સીસીટીવી હેક થવાનું જોખમ છે. IoT ઉપકરણો પરના યુએસ-સ્થિત સાયબર-સિકયોરિટી નિષ્ણાતના અહેવાલ મુજબ, ૭૭૭ IP-આધારિત કેમેરા સંવેદનશીલ જણાયા છે. આ કેમેરામાં નબળા સ્પોટ્સ મળી આવ્યા હતા જેનાથી હેકર્સ આ વર્ષે ફેબ્રુઆરીમાં દેશભરના માત્ર ૮૦ ખાનગી ઈન્ટરનેટ પ્રોટોકોલ આધારિત CCTV કેમેરા ડેશબોર્ડ્સમાંથી ૫૦,૦૦૦ ખાનગી ક્લિપ્સ ચોરી શકયા હતા.
આ વીડિયો ક્લિપ્સ બાદમાં ટેલિગ્રામ ગ્રુપ અને પોર્ન નેટવર્ક્સ પર વેચવામાં આવી હતી.સાયબર-સિકયોરિટી ટ્રેકર્સ ચેતવણી આપે છે કે ગુજરાત તો એક મોટી સમસ્યાનો માત્ર એક ભાગ છે ﾗ સમગ્ર ભારતમાં ૨૧,૪૪૪ સીસીટીવી કેમેરા આવી જ રીતે સંવેદનશીલ છે. તેમની ક્લિપ્સ ઇન્ટરનેટ પર ફરતી થઈ શકે છે. ગુજરાતમાં ઇન્ટરનેટ પર દેખાતા ૭૭૭ સંવેદનશીલ IP કેમેરામાંથી, સૌથી વધુ જોખમ અમદાવાદમાં નોંધાયું છે જ્યાં ૩૯૯ IP કેમેરા જોખમમાં છે, ત્યારબાદ સુરતમાં ૧૬૬, વડોદરામાં ૮૭, રાજકોટમાં ૩૩, ભાવનગરમાં ૨૪, અને ગાંધીનગરમાં ૨૦નો સમાવેશ થાય છે. તેમ ટાઈમ્સ ઓફ ઈન્ડીયાનો અહેવાલ જણાવે છે.સૂત્રોએ જણાવ્યું કે, આ ઉપકરણોમાંથી ઘણા બેબી મોનિટર્સ, હોમ CCTV અને નાના વ્યવસાયોના સેટઅપ્સ છે. ૨૦૨૫ માં ભારતીય IP એડ્રેસમાંથી ઓછામાં ઓછા એક વખત ઓનલાઈન રહેલા અને શોષણ થવાની રાહ જોઈ રહેલા કુલ ૨૧,૪૪૪ ઉપકરણો રેકોર્ડ કરવામાં આવ્યા હતા. જેમાં દિલ્હીમાં ૨,૯૧૪, મુંબઈમાં ૧,૮૪૨, બેંગલુરુમાં ૧,૨૦૫, હૈદરાબાદમાં ૧,૧૦૦, પુણેમાં ૮૯૯, ચેન્નાઈમાં ૮૨૩ કેમેરા પર જોખમ છે.
Reporter: admin
