બી.આર.જી ગ્રુપ દ્વારા આયોજિત વડોદરા વાઇબ્રન્ટ નવરાત્રી ખાતે છેલ્લા નોરતે બૉલીવુડ અભિનેતા શર્મન જોશીની વિશેષ ઉપસ્થિતિ જોવા મળી હતી. 

શર્મન જોશી દ્વારા માઁ અંબેની આરાધના માટે વડોદરા વાઇબ્રન્ટ નવરાત્રીના ચાંચર ચોકમાં ગરબા કરવામાં આવેલ હતા. બી.આર.જી ગ્રુપ દ્વારા સૌપ્રથમ વખત આયોજિત વડોદરા વાઇબ્રન્ટ નવરાત્રીની સફળતા બદલ અભિનેતા દ્વારા બી.આર.જી ગ્રુપ ને અભિનંદન પાઠવવામાં આવેલ હતા. શર્મન જોશીએ બીલીવુડ ની પોતાની જાણીતી ફિલ્મ ના ડાયલોગ દ્વારા ઉપસ્થિત જનમેદનીને જોશ માં લાવી દીધી હતી. વડોદરા વાઇબ્રન્ટ નવરાત્રીમાં છેલ્લા નોરતે હજારો ખેલૈયાઓ અને દર્શકો ની જનમેદની ને બૉલીવુડ કલાકાર દ્વારા સંબોધિત કરવામાં આવી હતી. આપને જણાવી દઈએ કે, સંસ્કાર અને સાંસ્કૃતિક નગરી વડોદરામાં બી.આર.જી ગ્રુપ દ્વારા નવું સોપાન વડોદરા વાઇબ્રન્ટ નવરાત્રી દ્વારા શરુ કરવામાં આવેલ છે. 

જેમાં પ્રથમ વર્ષે જ વડોદરા શહેર તેમજ આસપાસના વિસ્તારના હજારો ખેલૈયાઓએ માઁ અંબેની આરાધના કરી હતી. દિવ્યાંગ બાળકો ની સાધન સહાય, વંચિત બાળકો ના શિક્ષણ તેમજ વડોદરા ટ્રાફિક એજ્યુકેશન સોસાયટી જેવી સામાજિક સેવાઓ હેતુ આયોજિત વડોદરા વાઇબ્રન્ટ નવરાત્રીનું આયોજન દર વર્ષે કરવામાં આવનાર છે. વડોદરા શહેરમાં સાંસ્કૃતિક પ્રવાસનના વેગ આપવાના ઉદ્દેશ થી પણ બી.આર.જી ગ્રુપ દ્વારા આ પહેલ કરવામાં આવી રહી છે. ગુજરાતના ગરબા ને જયારે યુનિસ્કોમાં સ્થાન પ્રાપ્ત થયું છે ત્યારે વડોદરાને ગરબા ને રાજધાની બનાવવાનું બીડું બી.આર.જી ગ્રુપ દ્વારા ઉપાડવામાં આવેલ છે. ગુજરાત ની કોયલડી કૈરવી બુચના સ્વરે આ વર્ષે વડોદરા વાઈબ્રન્ટ નવરાત્રીમાં ખેલૈયાઓ ગરબે ઘૂમ્યા હતા.

Reporter: admin