પનીર પકોડા બનાવવા માટે 200 ગ્રામ પનીર, દોઢ કપ ચણાનો લોટ, એક ચમચી લાલ મરચું, અડધી ચમચી અજમો, ચપટી ચાટ મસાલો, અડધી ચમચી ગરમ મસાલો, ચીલી સોસ, ચપટી હિંગ, મીઠુ સ્વાદ અનુસાર, જરૂર પ્રમાણે પાણી અને તડવા માટે તેલ જરૂરી છે.
એક વાસણમાં ચણાનો લોટ ને ચાળી તેનું બેટર બનાવી મીઠુ ઉમેરવું.તેમાં અજમો, લાલ મરચું, હિંગ, ચાટ મસાલો, ગરમ મસાલો ઉમેરી બરોબર મિક્સ કરો. બેટરમાં જરૂર લાગે તો પાણી ઉમેરી મિક્સ કરવું. ધ્યાન એ રાખવું કે બેટર ખુબ પાતળું ન થાય. પનીરને નાના નાના જાડા પીસ કરી લેવા. તેમાં નાના કાપા કરી ચીલી સોસ લગાવવો.
હવે ગેસ પર મીડિયમ આંચ પર તેલ ગરમ કરવું. તેલ ગરમ થાય એટલે પનીરને બેટરમાં કોટ કરી તડવા મુકવા. બાને બાજુ થોડો કલર બદલાય એટલે ઉતારી લેવા. આ પકોડા ખુબ ખાવામાં ખુબ ટેસ્ટી લાગે છે, તેને ગ્રીન ચટણી સાથે ખાઈ શકાય છે.
Reporter: admin
