થોડા દિવસો પહેલા બિહારના અરરિયામાં એક પુલ ધરાશાયી થયો હતો. આ પુલ બનાવવા માટે અંદાજે 12 કરોડ રૂપિયાનો ખર્ચ થયો હતો.
બિહારમાં અવારનવાર નાના મોટા પુલ તૂટી પડવાના બનાવ બનતા હોય છે જેને કારણે પૈસાનું તો પાણી થાય જ છે ઉપરાંત લોકોને ભારે હાડમારીનો સામનો કરવો પડે છે. બિહારમાં થાંભલા ધોવાઇ જવાને કારણે અનેક પુલ તૂટી પડ્યાના દાખલા બન્યા છે.સિવાનમાં પણ માત્ર એક વર્ષ પહેલા કેનાલ પર બનેલા પુલનો એક જ પિલર હતો અને તે જ પિલર ધોવાઈ જવાને કારણે બ્રિજ તૂટી પડ્યો હતો.અરરિયા જિલ્લાના સિક્તિ બ્લોક વિસ્તારમાં એક પુલ સંપૂર્ણપણે નદીમાં ડૂબી ગયો હતો.
આ પુલ અરરિયાના પડકિયા ઘાટ પર બનાવવામાં આવ્યો હતો. બકરા નદી પર બનાવવામાં આવેલા આ પુલના નિર્માણમાં કરોડો રૂપિયાનો ખર્ચ થયો હતો. આ ઘટનાનો વીડિયો પણ સામે આવ્યો છે.
Reporter: News Plus
