વડોદરા :મ. સ. યુનિવર્સિટી કેમ્પસમાં એબીવીપીની રેલી દરમિયાન એબીવીપી તેમજ એજીએસયુ (ઓલ ગુજરાત સ્ટુડન્ટ યુનિયન)ના કાર્યકરો વચ્ચે થયેલી છુટ્ટા હાથની મારામારીના પગલે નાસભાગ મચી ગઈ હતી.
મારામારીના વિડિયો પણ જોત જોતામાં સોશિયલ મીડિયા પર વાઈરલ થયા છે. ત્યારે કેમ્પસમાં સવાલ થઈ રહ્યા છે કે શું પોલીસ ભાજપની વિદ્યાર્થી પાંખ એવી ABVP સામે કડક કાર્યવાહી કરશે ખરી?બાઈક રેલી સમયે સર્જાયું ઘર્ષણ મળતી વિગતો પ્રમાણે એબીવીપી દ્વારા નવ નિર્માણ આંદોલનના 50 વર્ષ નિમિત્તે એક બાઈક રેલીનું આયોજન કરવામાં આવ્યું હતું અને આ રેલી કેમ્પસમાંથી પસાર થઈ રહી હતી ત્યારે એબીવીપી અને અન્ય સંગઠન એજીએસયુના વિદ્યાર્થીઓ આમને-સામને આવી ગયા હતા.
આ ઘટનાથી એ પૂરવાર થઈ રહ્યું છે કે, યુનિવર્સિટી કેમ્પસમાં ગુંડાગર્દીને છુટ્ટો દોર મળેલો છે. સિક્યુરિટીને માત્ર અને માત્ર વાઈસ ચાન્સેલરને જ સુરક્ષા પૂરી પાડવા માટે મહિને લાખો રૂપિયા ચૂકવવામાં આવે છે અને કેમ્પસમાં વિદ્યાર્થીઓની કોઈ સલામતી નથી.
Reporter: admin
