હિંમતનગર : સાબરકાંઠા જિલ્લાના હિંમતનગરમાં સહકારી જીન નજીક ભયાનક માર્ગ અકસ્માત સર્જાયો હતો. એક કાર ટ્રેલરના પાછળના ભાગમાં ઘૂસી જતાં 7 લોકોનાં ઘટના સ્થળે મૃત્યુ નીપજ્યાં હતાં.
જ્યારે અન્ય એકની હાલત પણ ગંભીર જણાવાઈ રહી છે. મળતી માહિતી અનુસાર હિંમતનગરમાં સહકારી જીન નજીક આ અકસ્માત સર્જાયો હતો. જ્યાં શામળાજી તરફથી અમદાવાદ તરફ આવતી કાર ધડાકાભેર એક ટ્રેલરના પાછળના ભાગમાં ઘૂસી ગઇ હતી. જેના લીધે હાઈવે પર અફરાતફરીનો માહોલ સર્જાયો હતો.
હાલમાં એકની હાલત ગંભીર છે જેની સારવાર ચાલી રહી છે. ઘટનાની જાણ થતાં જ હિંમતનગર પોલીસનો કાફલો ઘટનાસ્થળે ધસી આવ્યો હતો. જોકે તમામ મૃતકો પણ અમદાવાદના જ રહેવાશી હોવાનું ખૂલ્યું છે.
Reporter: admin
