છોટાઉદેપુર જીલ્લાના કલારાણી ખાતે આજરોજ એકલવ્ય ગ્રુપ ઓફ કોલેજના 4 થા સ્થાપના દિવસની ઉજવણી કરાઇ હતી,આ પ્રસંગે ભાજપ પ્રદેશ સંગઠન મહામંત્રી રત્નાકર, ગોવિંદ ગુરુ યુનિવર્સિટીના વાઇસ ચાન્સેલર પ્રતાપસિંહ ચૌહાણ ઉપસ્થિત રહ્યા હતા.
છોટાઉદેપુર જીલ્લાના કલારાણી ખાતે આવેલી એકલવ્ય ગ્રુપ ઓફ કોલેજ નો આજે 4 થા સ્થાપના દિવસની ઉજવણી કરવામાં આવી હતી. આ પ્રસંગે ભાજપ પ્રદેશ સંઘઠન મહામંત્રી રત્નાકર,ગોવિંદ ગુરુ યુનિવર્સિટીના વાઇસ ચાન્સેલર પ્રતાપસિંહ ચૌહાણ,ભાજપના પ્રદેશ ઉપાધ્યક્ષ ગોરધન ઝડફિયા, જીલ્લા ભાજપ પ્રમુખ ઉપેન્દ્ર રાઠવા, પૂર્વ રાજ્યસભા સાંસદ નારણ રાઠવા, પૂર્વ લોકસભા સાંસદ ગીતાબેન રાઠવા તેમજ અન્ય મહાનુભાવો ઉપસ્થિત રહ્યા હતા.
એકલવ્ય કોલેજને યુનિવર્સિટીના જુદા જુદા નવ કોર્સ યુજીપીજીના આપવામાં આવ્યા હોવાનું વાઇસ ચાન્સેલર પ્રતાપસિંહ ચૌહાણ દ્વારા જણાવાયું હતું. તેઓએ જણાવ્યું કે આ વિસ્તારના વિદ્યાર્થીઓને કાઈ રીતે વધુમાં વધુ શિક્ષિત કરી શકાય,એને ટ્રેનિંગ કેવી રીતે અપાઈ શકાય,એને વધુમાં વધુ સ્કોલરશીપ કેવી રીતે મળે અને પી.એચ.ડી.કરીને એને નોકરીની વધુમા વધુ તક મળે એ માટેના પ્રયાસ સંસ્થા વતી અને ગોવિંદ ગુરુ યુનિવર્સિટી પણ કરી રહી હોવાનું જણાવાયું હતું.
Reporter: admin
