વાનકુવર: કેનેડાના વાનકુવરમાં એક શીખ યુવક સ્કાય ટ્રેનના ટ્રેક પર પહોંચી જતાં ટ્રેન સેવા રોકવી પડી હતી. યુવક લાંબા સમય સુધી ટ્રેક પર બેસી રહ્યો હતો અને ત્યાં ગીત ગાતો જોવા મળ્યો હતો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.
વાયરલ વીડિયોમાં યુવક વારંવાર “આઈ ડોન્ટ નો ઇંગ્લિશ” એટલે કે “મને અંગ્રેજી આવડતી નથી” કહેતો સંભળાઈ રહ્યો છે. વીડિયોમાં તે ટ્રેક પર ઉછળતો-કૂદતો અને ગીત ગાતો પણ જોવા મળે છે.
ઘટનાની જાણ થતાં પોલીસ ઘટનાસ્થળે પહોંચી હતી અને યુવકને ટ્રેક પરથી બહાર કાઢ્યો હતો. તેને ટ્રેક પરથી દૂર કરવામાં આવતાં ત્યાં હાજર કેટલાક લોકોએ તાળીઓ પણ પાડી હતી.
સુરક્ષાને ધ્યાનમાં રાખીને ટ્રેન સેવા રોકાઈ
યુવક ટ્રેક પર હાજર હોવાથી સ્કાય ટ્રેનની અવરજવર પ્રભાવિત થઈ હતી. મુસાફરોની સુરક્ષાને ધ્યાનમાં રાખીને થોડા સમય માટે ટ્રેન સેવા રોકી દેવામાં આવી હતી. જોકે, યુવક ટ્રેક પર શા માટે ગયો હતો તેનું કારણ હજુ સ્પષ્ટ થયું નથી. તેની સામે પોલીસે શું કાર્યવાહી કરી છે તેની પણ માહિતી સામે આવી નથી.
યુવક ટ્રેક પર હાજર હોવાથી સ્કાય ટ્રેનની અવરજવર પ્રભાવિત થઈ હતી. મુસાફરોની સુરક્ષાને ધ્યાનમાં રાખીને થોડા સમય માટે ટ્રેન સેવા રોકી દેવામાં આવી હતી. જોકે, યુવક ટ્રેક પર શા માટે ગયો હતો તેનું કારણ હજુ સ્પષ્ટ થયું નથી. તેની સામે પોલીસે શું કાર્યવાહી કરી છે તેની પણ માહિતી સામે આવી નથી.
વાનકુવરની સ્કાય ટ્રેન એક સ્વચાલિત મેટ્રો સેવા છે, જે કમ્પ્યુટર આધારિત સિસ્ટમથી સંચાલિત થાય છે. ટ્રેક પર કોઈ વ્યક્તિ પહોંચી જાય ત્યારે સુરક્ષાના ભાગરૂપે સંબંધિત વિસ્તારમાં ટ્રેનનું સંચાલન રોકી દેવામાં આવે છે. ટ્રેક સંપૂર્ણપણે સુરક્ષિત હોવાની ખાતરી થયા બાદ જ ટ્રેન સેવા ફરી શરૂ કરવામાં આવે છે.
Reporter:
