શિક્ષણ સાથે સર્વાંગી વિકાસ એ દરેક વિદ્યાર્થી માટે આવશ્યક બાબત છે. વિધાર્થીઓમાં અભ્યાસની સાથે સાથે અન્ય આવશ્યક ગુણો ખીલે એ માટે અંબે ગ્રૂપ ઓફ સ્કૂલસ હંમેશા કામગીરી કરતું આવ્યું છે.
શહેરના માંજલપુર વિસ્તારમાં આવેલ અંબે સ્કૂલ ગુજરાત બોર્ડ અને કેન્દ્રના બોર્ડના વિધાર્થીઓમાં નેતૃત્વનો ગુણ ખીલે એ માટે વિદ્યાર્થી સંઘની ઇલેક્ટ્રોનિક પદ્ધતિથી ચૂંટણી કરવામાં આવી હતી. આ ચૂંટણીમાં વિદ્યાર્થી ઉમેદવારને શાળાના અન્ય વિધાર્થીઓએ મત આપીને હેડ બોય,હેડ ગર્લ,જનરલ સેક્રેટરી, અને હાઉસ કેપ્ટન તરીકે ચૂંટયા હતા.
આ ચૂંટાયેલા વિદ્યાર્થી નેતાઓની જવાબદારી, ફરજો સાથે શિસ્ત અને શિક્ષણ અંગેની શપથ વિધિ શાળા ખાતે યોજાઈ હતી જેમાં મદદનીશ પોલીસ કમિશ્નર પ્રવીણ કટારીયા ખાસ હાજર રહ્યા હતા.શાળાના આચાર્ય સહિત શાળાના શિક્ષકો, કેળવણી મંડળના સભ્યો આ પ્રસંગે હાજર રહ્યા હતા.
Reporter:
