અમદાવાદ : લોકસભામાં વિરોધપક્ષના નેતા રાહુલ ગાંધી અમદાવાદ આવી રહ્યા છે ત્યારે રાજ્યમાં બનેલી વડોદરાના હરણીકાંડ,સુરતના તક્ષશિલા અને રાજકોટના ટીઆરપી ગેમઝોનના અગ્નિકાંડ, મોરબી ઝૂલતાપૂલ ધસી પડવાના ગુના સહિતના બનાવોના અસરગ્રસ્તોને મળવાના છે ત્યારે રાજકોટના અગ્નિકાંડ અને મોરબીના ઝૂલતાપૂલ કાંડના અસરગ્રસ્તોને મળવા અવનવા પરોક્ષ પ્રયાસો તંત્ર દ્વારા થઈ રહ્યાનું કોંગ્રેસના અને અસરગ્રસ્તોના સૂત્રોએ જણાવ્યું છે.
પીડીત પરિવારો રાહુલ ગાંધીને મળવા જવાના છે તેમને ધારાસભ્યનો ફોન આવ્યો હતો, બીજાને તમને મુખ્યમંત્રીને મળાવી દેશું તેવી લાલચ અપાઈ તો અન્ય એકને પોલીસે તપાસના કામે આવતીકાલે જ બોલાવવા પ્રયાસ કર્યો છે. આવા હથકંડાને બદલે ભાજપ સરકારે આવી ઘટનાઓ ન બને તેના પર લક્ષ્ય આપવું જોઈએ.રાહુલ ગાંધી ને મળવા જનાર અસરગસ્તોને રોકવાનો તથા અન્ય પાસે કોણ કોણ ક્યા વાહનમાં જવાનું છે તેવી માહિતી મેળવવા પોલીસ દ્વારા પ્રયાસ થયાનું બહાર આવ્યું છે.
આજે રાહુલ ગાંધી બપોરે 12.30 વાગ્યાની આસપાસ અમદાવાદ જીપીસીસી કાર્યાલય પર પહોંચશે. તેમની મુલાકાત દરમિયાન, તેઓ પાર્ટીના કાર્યકરોને મળશે અને સંબોધન કરશે. તેઓ રાજકોટ ગેમ ઝોનમાં આગ અને અન્ય દુર્ઘટનામાં જીવ ગુમાવનારા પીડિતોના પરિવારને પણ મળશે. તે પાર્ટીના કાર્યકરોના પરિવારના સભ્યો સાથે પણ વાતચીત કરશે જેમની પોલીસ દ્વારા અથડામણ બાદ ધરપકડ કરવામાં આવી હતી.
Reporter: News Plus
