સૌરાષ્ટ્રમાં બપોર બાદ ગાજવીજ સાથે ઝાપટાં પડવાની શક્યતા
હવામાન વિભાગના જણાવ્યા મુજબ આગામી 8 થી 13 જૂન દરમિયાન દક્ષિણ ગુજરાતમાં વરસાદી માહોલ વધુ સક્રિય રહેશે. જ્યારે ઉત્તર અને મધ્ય ગુજરાતમાં મોટાભાગે સૂકું વાતાવરણ રહેવાની શક્યતા છે. પ્રિ-મોન્સુન પવનો સક્રિય થતા કેટલાક વિસ્તારોમાં પવન સાથે ઝાપટાં પડવાની પણ સંભાવના વ્યક્ત કરવામાં આવી છે.દેશના અન્ય રાજ્યોમાં પણ ચોમાસું ઝડપથી આગળ વધી રહ્યું છે. મહારાષ્ટ્ર, ગોવા, આંધ્રપ્રદેશ અને ઉત્તરપૂર્વના કેટલાક વિસ્તારોમાં ચોમાસું પહોંચી ચૂક્યું છે. આગામી દિવસોમાં તે છત્તીસગઢ અને ઓડિશા તરફ આગળ વધવાની શક્યતા છે.હવામાન વિભાગે લોકોને બદલાતા હવામાનને ધ્યાનમાં રાખી સાવચેતી રાખવાની અપીલ કરી છે, ખાસ કરીને ગાજવીજ અને પવન સાથે વરસાદ પડવાની સ્થિતિમાં સુરક્ષા પગલાં લેવા સૂચન કર્યું છે.
Reporter: admin
