ગાઝિયાબાદ: એક માર્ગ અકસ્માતમાં ટ્રક અને ટેન્કરની ટક્કરમાં ટ્રક ડ્રાઈવરનું મોત થઈ ગયુ હતું અને કંડક્ટર ગંભીર રીતે ઘાયલ થયો હતો. પરંતુ માનવતા મરી પરવારી હોય તેમ લોકો ઘાયલને બચાવવાના બદલે ટેન્કરમાંથી ઢોળાઈ રહેલું દૂધ લૂંટવા લાગી ગયા હતા.
બનાવની જાણ થયા બાદ થોડી જ વારમાં પોલીસ ઘટના સ્થળ પર પહોંચી ગઈ હતી અને ટ્રક ડ્રાઈવરનો મૃતદેહ કાઢીને પોસ્ટમોર્ટમ માટે મોકલ્યો હતો. બીજી તરફ કંડક્ટરને પણ બહાર કાઢી સારવાર માટે હોસ્પિટલમાં ખસેડવામાં આવ્યો હતો.આ ઘટના બુધવારે સવારે બની હતી. આ ઘટના અંગે પોલીસે જણાવ્યું કે, દૂધથી ભરેલું ટેન્કર મેરઠ એક્સપ્રેસને અડીને આવેલા NH 9 પર ચાલક દિલ્હીથી મેરઠ તરફ મધ્યમ ગતિએ જઈ રહ્યું હતું.
જેવું ટેન્કર એઈબીએસ કટ પાસે પહોંચતા જ પાછળથી આવી રહેલા એક પુરપાટ ઝડપે આવતા ટ્રકે તેને ટક્કર મારી હતી. આ અકસ્માતમાં ટ્રકનો આગળનો ભાગ ખરાબ રીતે ક્ષતિગ્રસ્ત થઈ ગયો હતો. ટ્રક ચાલકનું ઘટના સ્થળે જ મોત નીપજ્યું હતું. આ અકસ્માતમાં કંડક્ટર પણ ગંભીર રીતે ઘાયલ થયો છે. અહીં ટેન્કરને પણ ઘણું નુકસાન થયું હતું.
Reporter: admin
