મુંબઈ : નવા અઠવાડિયાની શરૂઆત જ ખરાબ રહી છે. સોમવારે શેરબજારમાં જોરદાર કડાકો બોલાયો છે. સેન્સેક્સ મોટા કડાકા સાથે 834 પોઈન્ટ ઘટીને 76,567 પર ખુલ્યો હતો.
જ્યારે નિફ્ટી-50 પણ ખુલતાની સાથે જ 247 પોઈન્ટ તૂટ્યો હતો. માર્કેટ ઓપન થાય તે પહેલા જ સેન્સેક્સ-નિફ્ટીમાં મોટા ઘટાડાના સંકેતો મળી ગયા હતા. ગયા અઠવાડિયાના છેલ્લા ટ્રેડિંગ દિવસ એટલે કે શુક્રવારે પણ શેરબજારના ઈન્ડેક્સ સેન્સેક્સ અને નિફ્ટી બંને કડાકા સાથે બંધ થયા હતા. જોકે આજે બજારમાં કડાકા વચ્ચે ઝોમેટોના શેર સૌથી વધુ તૂટ્યા, જ્યારે ટાટા મોટર્સ, રિલાયન્સથી લઈને HDFC બેંકના શેરમાં પણ કડાકાની સ્થિતિ જોવા મળી છે.
સોમવારે જ્યારે શેરબજાર ખુલ્યું ત્યારે સેન્સેક્સ 76,629.90 પર ખુલ્યો જે તેના અગાઉના બંધ 77,378.91 થી 749.01 પોઈન્ટ ઘટીને 76,535 ના સ્તરે પહોંચી ગયો હતો. જ્યારે નિફ્ટી પણ તેના અગાઉના 23432.50 ના બંધ સ્તરથી નીચે આવીને 23195.40 પર ખુલ્યો અને થોડી જ વારમાં તે 247 પોઈન્ટ ઘટીને 23172.70 સુધી પહોંચી ગયો હતો.
Reporter: admin
