GSFC યુનિવર્સિટીમાં શિક્ષણ, રોજગારલક્ષી કૌશલ્ય અને રાષ્ટ્રનિર્માણના સંકલ્પ સાથે 80મા સ્વાતંત્ર્ય દિવસની ઉજવણી કરવામાં આવી હતી. કાર્યક્રમની શરૂઆત યુનિવર્સિટીના પ્રમુખ અને નિવૃત્ત IAS અધિકારી પી. કે. તનેજાના હસ્તે ધ્વજવંદનથી થઈ હતી. ત્યારબાદ વિદ્યાર્થીઓએ દેશભક્તિ, એકતા અને ભારતની સાંસ્કૃતિક વિવિધતા દર્શાવતી વિવિધ સાંસ્કૃતિક કૃતિઓ રજૂ કરી હતી. કાર્યક્રમમાં પ્રોવોસ્ટ જી. આર. સિંહા, ડેપ્યુટી ડિરેક્ટર (એડમિનિસ્ટ્રેશન) અને કેમ્પસ ડિરેક્ટર મહેશ બારોટ સહિત શિક્ષક અને બિન-શિક્ષક કર્મચારીઓ હાજર રહ્યા હતા.

2015માં બે અભ્યાસક્રમો અને 141 વિદ્યાર્થીઓ સાથે શરૂ થયેલી યુનિવર્સિટી આજે 21થી વધુ અભ્યાસક્રમો સાથે 3,400થી વધુ વિદ્યાર્થીઓ ધરાવતી બહુવિષયક સંસ્થા બની છે. યુનિવર્સિટીમાં 57 ટકા છોકરાઓ, 43 ટકા છોકરીઓ અને છ આંતરરાષ્ટ્રીય વિદ્યાર્થીઓ અભ્યાસ કરે છે. NEPને અનુરૂપ પાંચ વર્ષના ચાર ઇન્ટિગ્રેટેડ અભ્યાસક્રમો પણ શરૂ કરાયા છે. આ પ્રસંગે પી. કે. તનેજાએ જણાવ્યું હતું કે ઉચ્ચ શિક્ષણ સંસ્થાઓએ માત્ર ડિગ્રી નહીં, પરંતુ વિકસિત ભારતના નિર્માણમાં યોગદાન આપવું જોઈએ. GSFC યુનિવર્સિટી શિક્ષણ, ઉદ્યોગ, નવીનતા અને રોજગારલક્ષી કૌશલ્ય વચ્ચેનું જોડાણ મજબૂત બનાવી યુવાનોને ભવિષ્ય માટે તૈયાર કરવા પ્રતિબદ્ધ છે.

ધ્વજવંદન સાથે ઉજવણી

GSFC યુનિવર્સિટીમાં 80મા સ્વાતંત્ર્ય દિવસની ઉજવણી ધ્વજવંદન સાથે કરવામાં આવી હતી. પ્રમુખ પી. કે. તનેજાના હસ્તે ધ્વજવંદન બાદ વિદ્યાર્થીઓએ દેશભક્તિ, એકતા અને સાંસ્કૃતિક વિવિધતા દર્શાવતી કૃતિઓ રજૂ કરી હતી.

141થી 3,400 વિદ્યાર્થીઓ સુધીની સફર

2015માં બે અભ્યાસક્રમો અને 141 વિદ્યાર્થીઓ સાથે શરૂ થયેલી GSFC યુનિવર્સિટી આજે 21થી વધુ અભ્યાસક્રમો અને 3,400થી વધુ વિદ્યાર્થીઓ ધરાવતી બહુવિષયક સંસ્થા બની છે.

 શિક્ષણ સાથે કૌશલ્ય પર ભાર

NEPને અનુરૂપ યુનિવર્સિટીએ પાંચ વર્ષના ચાર ઇન્ટિગ્રેટેડ અભ્યાસક્રમો શરૂ કર્યા છે. શિક્ષણ સાથે ઉદ્યોગ, નવીનતા અને રોજગારલક્ષી કૌશલ્યનું જોડાણ મજબૂત બનાવી યુવાનોને ભવિષ્ય માટે તૈયાર કરવાનો સંકલ્પ વ્યક્ત કરાયો છે.

Reporter: admin