સાંસદ તરીકે વડોદરા લોકસભા માંથી જંગી બહુમતીથી ચૂંટાયા બાદ તબક્કાવાર વડોદરાની જનતાને સ્પર્શતા વિષયો તથા જાહેર સેવાઓના એકમોની મુલાકાત લઇ એમને જરૂરી સૂચન આપવાના અભિયાનને આગળ વધારતા આજરોજ સાંસદ ડોક્ટર હેમાંગ જોશી દ્વારા ડી આર એમ કચેરી ખાતે વડોદરા ડિવિઝન રેલવેના ઉચ્ચ અધિકારીઓ સાથે બેઠક યોજવામાં આવી આ બેઠકમાં વડોદરા ડિવિઝન ના ડીઆરએમ જીતેન્દ્રસિંહ તથા રેલવે તથા ગતિ શક્તિ વિભાગના અધિકારીઓ ઉપસ્થિત રહ્યા.
બેઠકમાં રેલ્વે ડિવિઝન નું કાર્ય પદ્ધતિ વિવિધ વિભાગોનું દાયિત્વ તથા સાંસદ તરીકે બજાવવામાં આવતી ફરજો વિશે ચર્ચા કરવામાં આવી સાથે આવનારા છ મહિનામાં સમગ્ર દેશમાં સૌથી વધારે ઝડપથી વેસ્ટન રેલવે અને વડોદરા ડિવિઝન દ્વારા રેલવેની સ્પીડ વધારવા માટે ટ્રેક રી ઇન્સ્ટોલેશન ના કાર્ય ની સમીક્ષા કરવામાં આવી પ્લેટફોર્મ નંબર ચાર તથા પાંચની અંદર વિવિધ ગ્રાહક લક્ષી સુવિધાઓ વધે એ માટે મંથન કરવામાં આવ્યું.
તથા આવનારા દિવસોમાં વડોદરાના તમામ રેલવે સ્ટેશન અમૃત રેલવે સ્ટેશન તરીકે કાયાકલ્પ મેળવે એ બાબતે ચર્ચા કરી સાથે રેલવે વિભાગ દ્વારા રાજ્ય તથા કેન્દ્રસ્થરે મુકાયેલા પડતર પ્રશ્નો વિશે પણ માહિતી મેળવી આવનારા દિવસોમાં આ તમામ પ્રશ્નોનું સમયસર નિરાકરણ આવે તથા વડોદરાની જનતાને રેલ્વેની સુવિધા માટે સારામાં સારી સવલતો મળે તે માટે કાર્ય કરવામાં આવશે.
Reporter: News Plus
