પશ્ચિમ બંગાળમાં માલદાના ભારતીય જનતા પાર્ટી (BJP)ના સંસદસભ્ય ખગેન મુર્મુએ ચૂંટણીપ્રચાર દરમ્યાન જાહેરમાં એક મહિલાને કિસ કરી લેતાં વિવાદ સર્જાયો હતો. આ ઘટનાનો વિડિયો સોશ્યલ મીડિયા પર વાઇરલ થયા બાદ BJPના સંસદસભ્યની ભારે ટીકા થઈ હતી. અગાઉ ડાબેરી પાર્ટીમાંથી ધારાસભ્યપદે રહેલા ખગેન મુર્મુ ૨૦૧૯માં BJPમાં જોડાઈ ગયા હતા.
તૃણમૂલ કૉન્ગ્રેસ (TMC) સહિતની વિરોધ પક્ષની પાર્ટીઓએ આ મુદ્દે મુર્મુની સખત ટીકા કરી હતી. જોકે જે મહિલાને તેમણે કિસ કરી હતી તેણે કહ્યું હતું કે પિતા સમાન વ્યક્તિ કિસ કરે એમાં કશું ખોટું નથી. એક લોકલ ન્યુઝ-ચૅનલ સાથેની વાતચીતમાં આ મહિલાએ કહ્યું હતું કે જે લોકો વિવાદ સર્જી રહ્યા છે તેઓ ડર્ટી માઇન્ડ ધરાવે છે.
Reporter:
