બી.આર.જી ગ્રુપ સંચાલિત ગુજરાત પબ્લિક સ્કૂલ વાઘોડિયા ના વાર્ષિક રમતોત્સવ નું આયોજન કરવામાં આવેલ હતું. 

બાળકોને શિક્ષણ સાથે રમત ગમત ક્ષેત્રે આગળ વધારવાના હેતુ થી દર વર્ષે શાળા ખાતે વાર્ષિક રમતોત્સવનું આયોજન કરવામાં આવે છે. આજ રોજ ગુજરાત પબ્લિક સ્કૂલ વાઘોડિયાના રમતોત્સવમાં કેજી થી ધોરણ 2 સુધી ના નાના બાળકો એ ફિટ ઇન્ડિયાનો સંદેશ આપ્યો હતો. ગુજરાત પબ્લિક સ્કૂલ વાઘોડિયાના 200 થી વધુ બાળકોએ આ રમતોત્સવમાં ભાગ લીધો હતો. મશાલ રન થી આ રમતોત્સવની શરૂઆત કરવામાં આવી હતી. જે બાદ રંગબેરંગી ફુગ્ગાઓની સાથે રમતોત્સવના સંદેશને આકાશની ઊંચાઈ સુધી પહોંચાડવામાં આવેલ હતો. 

બાદ બાળકોએ જોશ થી ભરેલા ગીતો ઉપર ફિટનેસના વિવિધ કરતબો દર્શાવતા ડાન્સ રજુ કર્યા હતા. જે બાદ નાના બાળકોની રસપ્રદ સ્પર્ધાઓનું આયોજન કરવામાં આવેલ હતું. જેમાં બાળકોએ ઉત્સાહ પૂર્વક પોતાનું ઉત્કૃષ્ટ પ્રદર્શન આપ્યું હતું. કાર્યક્રમમાં બાળકોનો ઉત્સાહ વધારવા માટે ગુજરાત પબ્લિક સ્કૂલના ડિરેક્ટર અપેક્ષા પટેલ સાથે મોટી સંખ્યામાં અભીભાવકો ઉપસ્થિત રહ્યા હતા. કાર્યક્રમના અંતે વિજેતા નાના બાળકોને મેડલ થી સમ્માનિત કરવામાં આવેલ હતા.

Reporter: admin