દિલ્હી : ભારત ખૂબ જ મહત્ત્વાકાંક્ષી પ્રોજેક્ટ પર કામ કરી રહ્યું છે.અમેરિકા અને ચીન બાદ હવે ભારત પણ પોતાનું AI મોડલ બનાવી રહ્યું છે.
આગામી થોડા મહિનામાં IndiaAI લોન્ચ કરવામાં આવશે. આ પ્રોજેક્ટ છે AI મોડલ અને એ માટે કોમ્પ્યુટિંગ ઇન્ફ્રાસ્ટ્રક્ચર તૈયાર કરવામાં આવી રહ્યું છે. આ માટે 18,693 GPUનો ઉપયોગ કરવામાં આવશે. એમાંથી 12,896 Nvidia H100 GPU અને 1,480 Nvidia H200 GPUનો ઉપયોગ કરવામાં આવશે. હાલમાં ભારત પાસે 10,000 GPU તૈયાર છે અને એનું કામ પણ શરૂ કરી દેવામાં આવ્યું છે. બાકીના થોડા દિવસમાં આવી જશે. દેશની આર્થિક અને સામાજિક જરૂરિયાતોને ધ્યાનમાં રાખીને આ લાર્જ લેન્ગવેજ મોડલ તૈયાર કરવામાં આવી રહ્યું છે.
આ માટે ઓડિશામાં AI મોડલ માટેનું ઇન્ફ્રાસ્ટ્રક્ચર તૈયાર કરવામાં આવી રહ્યું છે. આ સેન્ટર દ્વારા AI માટેની જે જરૂરીયાતો છે એ તમામ પૂરી કરવામાં આવશે.ભારતના AI મિશનને 2024ની માર્ચમાં કેબિનેટ દ્વારા મંજૂરી આપવામાં આવી હતી. આ પ્રોજેક્ટ માટે 10,372.92 કરોડ રૂપિયા ફાળવવામાં આવ્યા છે. ઇન્ડિયાના સ્ટાર્ટઅપ અને રિસર્ચ કમ્યુનિટીનો પણ વિકાસ કરવા માટે આ AI મોડલનો ઉપયોગ કરવામાં આવશે. આ સાથે પબ્લિક અને પ્રાઇવેટ પાર્ટનરશિપને પણ એક નવો વેગ મળી શકે અને દરેક ક્ષેત્રના લોકો એક સાથે આગળ વધે અને એના કારણે દેશનો પણ વિકાસ થાય એ ધ્યેય સાથે આ પ્રોજેક્ટ પર કામ કરવામાં આવી રહ્યું છે.
Reporter: admin
