વડોદરાના શિનોર ખાતે ગમખ્વાર અકસ્માતની ઘટના બની. બે બાઈક સામસામે ભટકતા એક નું મોત નીપજ્યું. મૃતક યુવક ST કર્મચારી હોવાથી ડભોઇ ST વિભાગમાં શોકની લાગણી છવાઈ.
જયારે સામે વાળા બાઇક સવાર ટ્રિપલ સવારી હોવાનો ખુલાસો થયો. વડોદરાના શિનોરમાં આવેલ શિનોર - સેગવા મેન રોડ પર મોટા ફોફળિયા ગામ પાસે બે બાઈક વચ્ચે અકસ્માત સર્જાયો હતો.જેમાં સામ સામે બે બાઇક અથડાતા અકસ્માત સર્જાયો હતો.આ અકસ્માતમાં બાઇક ચાલાક ST કર્મચારીનું કરૂણ મોત નીપજ્યું.અકસ્માતમાં મૃત્યુ પામનાર એ.ડી.પંચોલી ડભોઇ ST ડેપોમાં RT મેકેનિક તરીકે વર્કશોપમાં ફરજ બજાવતા હતા.
અકસ્માતમાં મૃત્યુ પામનાર એ.ડી.પંચોલી શિનોર ખાતે રહેતા હતા. તેઓ ડભોઇ ST ડેપોમાં કામ પતાવી બાઇક લઈને શિનોર પોતાના ઘરે પરત જય રહ્યા હતા. તે સમયે મોટા ફોફળિયા ગામ પાસે સામેથી આવતી બાઇક ચાલકે અડફેટે લઇ અકસ્માત સર્જ્યો હતો. જેમાં ST કર્મચારીનું અકસ્માત સ્થળે જ મોત થયું હતું. જ્યારે સામેવાળા બાઇક ચાલકને ફ્રેકચર થતા વડોદરા SSG હોસ્પિટલ ખાતે સારવાર અર્થે ખસેડાયા.પ્રાથમિક માહિતી મુજબ સામેવાળા બાઇક પર 3 વ્યક્તિ સવાર હતા. જયારે બીજી તરફ ડભોઇ ST ડેપોમાં RT મેકેનિક તરીકે વર્કશોપમાં ફરજ બજાવતા ST કર્મચારી એ.ડી.પંચોલીનું અકસ્માતમાં મૃત્યુ થતા શિનોર તેમજ ડભોઇ ST વિભાગમાં દુઃખ ની લાગણી છવાઈ.
Reporter: admin
