ઝાંસી: એક યુવકના હાથ-પગ બાંધેલા છે અને તેનું બળજબરીથી મુંડન કરાવવામાં આવી રહ્યું છે. એવો વિડિયો વાયરલ થયો છે.
આસપાસ ઉભેલા લોકો હસી રહ્યા છે. પીડિત યુવકે ભેંસનો ચારો બનાવવા અને છાણ ફેંકવાની ના પાડી હતી. આનાથી ગુસ્સે થઈને ગુંડાઓએ તેનું અપહરણ કર્યું હતું.તેઓએ તેના હાથ અને પગ બાંધી દીધા, તેને ઝાડ પર લટકાવી દીધો અને તેને ત્રાસ આપ્યો. એટલું જ નહીં મુંડન કર્યા બાદ ગામમાં તેનું સરઘસ કાઢવામાં આવ્યું હતું. આ ઘટના બે દિવસ પહેલા બની હતી. પોલીસે 4 આરોપીઓ સામે ગુનો નોંધી તપાસ શરૂ કરી છે.દબંગોએ તેને ખેતરમાંથી ઉપાડ્યો અને તેના ગામ લઈ ગયા હતા.આરોપીએ મુંડન કપાવતો વીડિયો બનાવીને સોશિયલ મીડિયા પર અપલોડ કર્યો હતો.પીડિત યુવકનું નામ બાબા કબૂતરા (45) છે. તે સિપરી બજાર પોલીસ સ્ટેશન વિસ્તારના પડરી ગામનો રહેવાસી છે.
બાબાએ કહ્યું કે “ટાકોરી ગામના કેટલાક શક્તિશાળી લોકો કહે છે કે પડરી ગામમાં ન રહો, અમારા ઘરે રહો અને ગાય-ભેંસ માટે ચારો તૈયાર કરો અને છાણ ઉપાડો. હું આ કામ માટે તૈયાર ન થયો. આથી તે ગુસ્સે થયા હતા.બુધવારે, હું મગફળી તોડવા માટે મજૂર તરીકે કામ કરી રહ્યો હતો. ત્યારે ટાકોરીનો વિજય, નકુલ, શત્રુઘ્ન અને કાલુ ખેતરમાં આવ્યા. તેઓ મને ખેંચીને રસ્તા પર લઈ ગયા અને પછી મને કારમાં ટાકોરી ગામ લઈ ગયા. ત્યાં મારઝૂડ કરી.”બાબાએ આગળ કહ્યું હતું કે, “આરોપીઓએ મારા હાથ-પગ દોરડાથી બાંધી દીધા અને મને ઝાડ પર ઊંધો લટકાવી દીધો. આ પછી તેઓએ ત્રાસ આપવાનું શરૂ કર્યું. બળપૂર્વક મારા મોંમાં પાણી ભર્યું. પાણી નાકમાંથી નીકળ્યું ત્યારે મને ગૂંગળામણ થવા લાગી. હું દયાની ભીખ માગતો રહ્યો, પણ તેઓ હસતા રહ્યા અને મને ત્રાસ આપતા રહ્યા હતા.
Reporter: admin
