વડોદરાની એમ.એસ.યુનિવર્સીટી ખાતે હવે ABVPના વિધાર્થી સંગઠનોએ વિરોધ શરુ કર્યો.
GCAS પોર્ટલ પર અનિયમિતતાને લઈને વિદ્યાર્થીઓને પડતી મુશ્કેલી માટે ABVP વિધાર્થીઓએ હેડ ઓફિસનો ઘેરાવ કરી વિરોધ કર્યો. જે દરમિયાન પોલીસ સાથેના ઘર્ષણમાં એક વિધાર્થીને માથામાં ઈજા પહોંચતા બેભાન થયો.અવારનવાર એમ.એસ.યુનિવર્સીટી ખાતે વિવાદો સર્જાતા હોય છે. યુનિવર્સીટીમાં વિરોધ પ્રદર્શન એ જાણે આમ વાત થઇ ગઈ હોય તેમ એક બાદ એક વિદ્યાર્થી સંગઠનો વિરોધ કરતા જોવા મળે છે. અને હવે આવામાં ABVPના વિધાર્થી સંગઠનએએમ.એસ.યુનિવર્સીટીની હેડ ઓફીસ ખાતે પહોંચી ઉગ્ર વિરોધ નોંધાવ્યો.
GCAS પોર્ટલ પર અનિયમિતતા અને વિધાર્થીઓને પડતી મુશ્કેલી મામલે વિરોધ કરવા માટે ABVPએ હેડ ઓફિસનો ઘેરાવ કર્યો. જે દરમિયાન યુનિવર્સીટી ખાતે પોલીસ અને ABVP વિધાર્થીઓ વચ્ચે ખેંચતાણ અને ઘર્ષણ થયું હતું. જેમાં અનેક ABVPના વિધાર્થીઓની અટકાયત પણ કરવામાં આવી છે. તેમજ પોલીસ સાથેના ઘર્ષણમાં એક વિધાર્થીને માથામાં ઈજા પહોંચતા બેભાન થઇ ગયો હતો. જેથી તેને તાત્કાલિક એમ્બ્યુલન્સ મારફતે સારવાર માટે હોસ્પિટલે ખસેડવામાં આવ્યો.
Reporter: News Plus
