સાયકલ રેલીના માધ્યમથી અપાયો મતદાન જાગૃતિનો સંદેશ
વડોદરા લોકસભા બેઠકની ચૂંટણીનું મતદાન તા.૭, મેના રોજ યોજાનાર છે.જિલ્લા ચૂંટણી તંત્ર દ્વારા લોકસભા ચૂંટણીમાં વધુ મતદાન થાય તે માટે વિવિધ કાર્યક્રમો યોજવામાં આવી રહ્યા છે.જેના ભાગરૂપે વડોદરા શહેરના તમામ વિધાનસભાઅત વિભાગોમાં સાયકલ રેલી યોજાઈ હતી.આગામી લોકસભા ચૂંટણીમાં મહત્તમ મતદાનના હેતુસર મતદાન જાગૃતિ માટે સાયકલ રેલી દ્વારા મતદાન જાગૃતિનો સંદેશો આપવામાં આવ્યો હતો. તમામ વિધાનસભામાં કેટલીક શાળાઓમાં જઈને શાળાના સ્ટાફને મતદાન અવશ્ય કરીએ અને કરાવીએ તેવી અપીલ કરવામાં આવી હતી.જિલ્લા ચૂંટણી અધિકારી શ્રી બિજલ શાહે વડોદરા શહેર જિલ્લાના તમામ મતદારોને ચૂંટણીમાં અવશ્ય મતદાન કરી લોકશાહીના આ મહાઉત્સવમાં સહભાગી થવા અનુરોધ કર્યો છે.
Reporter: News Plus
