વાડી ગાજરવાડી અને રાવપુરા કોઠી રોડ પર સતત લીકેજથી હજારો લીટર પાણી રસ્તા પર વહ્યું

વડોદરા: શહેરમાં સ્માર્ટ સિટીનો દાવો કરવામાં આવી રહ્યો છે, પરંતુ મૂળભૂત સુવિધાઓની સ્થિતિ સતત ચિંતાજનક બની રહી છે. ભરઉનાળાની કાળઝાળ ગરમીમાં જ્યાં નાગરિકો પીવાના પાણી માટે તરસી રહ્યા છે, ત્યાં બીજી તરફ મહાનગરપાલિકાની બેદરકારીના કારણે હજારો લીટર શુદ્ધ પાણી રસ્તા પર વહી રહ્યું છે. વાડી ગાજરવાડી અને રાવપુરા કોઠી રોડ વિસ્તારમાં છેલ્લા બે દિવસથી પાણીની મુખ્ય લાઈનમાં સતત લીકેજની સમસ્યા યથાવત રહેતાં સ્થાનિકોમાં ભારે રોષ જોવા મળી રહ્યો છે.

વાડી ગાજરવાડી સ્મશાન રોડ વિસ્તારમાં મુખ્ય પાણીની લાઈનમાં થયેલા લીકેજના કારણે મોટાપાયે પાણી રોડ પર વહી ગયું હતું અને આખો વિસ્તાર પાણીથી ભરાઈ ગયો હતો. અનેક જગ્યાએ રસ્તાઓ બેટમાં ફેરવાઈ ગયા હતા અને વાહન વ્યવહારને પણ અસર પહોંચી હતી. સ્થાનિક રહેવાસીઓએ વારંવાર તંત્રને જાણ કરવા છતાં કલાકો સુધી કોઈ પણ અધિકારી કે ટેકનિકલ ટીમ સ્થળ પર પહોંચી નહોતી, જેના કારણે લોકોમાં નારાજગી વધુ વધી હતી

Reporter: admin