આંતરરાષ્ટ્રીય રાજકારણ અને સુરક્ષા ક્ષેત્રમાંથી એક મહત્વપૂર્ણ ઘટના સામે આવી છે. અમેરિકાના પ્રમુખ Donald Trumpએ સોશિયલ મીડિયા પ્લેટફોર્મ ટ્રુથ સોશિયલ પર દાવો કર્યો છે કે અમેરિકન સેનાએ વેનેઝુએલામાં એક વિશેષ સૈન્ય ઓપરેશન હાથ ધરીને કુખ્યાત ડ્રગ માફિયા હેક્ટર રસ્ટનફોર્ડ ગુરેરો ફ્લોરેસ ઉર્ફે ‘નીનો ગુરેરો’ને ઠાર માર્યો છે. ટ્રમ્પે આ કાર્યવાહીનો વીડિયો પણ શેર કર્યો હોવાનું જણાવ્યું છે અને ઓપરેશન વેનેઝુએલા સરકારના સમન્વયથી કરવામાં આવ્યું હોવાનો દાવો કર્યો છે.ટ્રમ્પે પોતાના નિવેદનમાં જણાવ્યું કે ‘ટ્રેન ડે અરાગુઆ’ કાર્ટેલ સાથે સંકળાયેલા આતંકવાદીઓ અને ડ્રગ તસ્કરો સામે અમેરિકા કડક કાર્યવાહી ચાલુ રાખશે. તેમણે કહ્યું કે તેમના નેતૃત્વ હેઠળ અમેરિકન સેના વિશ્વના કોઈપણ ખૂણામાં છુપાયેલા આંતરરાષ્ટ્રીય ગુનેગારોને શોધીને નષ્ટ કરવાની ક્ષમતા ધરાવે છે.રાજકીય વિશ્લેષકોના મતે, તાજેતરમાં ઈરાનને લઈને વધેલા તણાવ અને વૈશ્વિક બજારોમાં સર્જાયેલી અનિશ્ચિતતા વચ્ચે વેનેઝુએલામાં થયેલી આ કાર્યવાહી વૈશ્વિક રાજકીય ચર્ચાનું કેન્દ્ર બની છે.