ભાવનગર : જિલ્લાના પાલિતાણા તાલુકાના નાના રાજસ્થળી ગામમાં પાણી ભરેલા ખાડામાં ડૂબી જતાં બે બાળકોનાં મોત નીપજ્યાં હતાં. નાની રાજસ્થળી ગામના સીમ વિસ્તારમાં જાંબુ લેવા ગયા બાદ એક બાળક નજીકમાં પાણી ભરેલા ખાડામાં નાહવા પડ્યો હતો જે ડૂબવા લાગતા તેને બચાવવા ગયેલો અન્ય બાળક પણ ડૂબ્યો હતો અને બંનેનાં મોત નીપજ્યાં હતાં. બે બાળકોનાં મોતના કારણે નાની રાજસ્થળી ગામમાં શોકનો માહોલ છવાયો હતો.

ભાવનગરના પાલિતાણા તાલુકાના નાની રાજસ્થળી ગામમાં શનિવારે સાંજના સમયે અરમાન અને મુસ્તફા નામનાં બે બાળકો જાંબુડાના વૃક્ષ પાસે જાંબુડા લઇ નજીકમાં પાણી ભરેલા ખાડામાં નાહવા પડ્યા હતા.

આ બનાવની માહિતી મુજબ ભાવનગર જિલ્લાના પાલિતાણા તાલુકાના નાની રાજસ્થળી ગામની સીમમાં પાણી ભરેલા ખાડામાં ગત સમી સાંજે બાળકો જાંબુડાના ઝાડ નીચે જાંબુડા લીધા બાદ તળાવ નજીક આવેલા પાણી ભરેલા ઊંડા ખાડામાં નાહવા પડ્યાં હતાં, એક બાળક ડૂબવા લાગતા બીજો બાળક તેને બચાવવા અંદર પડતા બંને બાળકો ડૂબી જતાં મોત નીપજ્યાં હતાં, જેમાં બંને બાળકો નાની રાજસ્થળી ગામના અરમાન કરીમભાઈ બેલીમ ઉં.વ.10 તથા મુસ્તુફા હનીફભાઈ બેલીમ ઉં.વ.9નાં મોત નીપજ્યાં હતાં, ઘટનાની જાણ થતાં ગ્રામજનો તળાવ કાંઠે દોડી આવ્યાં હતાં, એકસાથે બે બાળકો ડૂબી જવાથી પરિવારજનો પર આભ તૂટી પડ્યું હતું.

.....

Reporter: News Plus