મહાનગરપાલિકામાં પદાધિકારીઓની સંકલન બેઠક મળતી હોય છે જેમાં આગામી તહેવારો અને શહેરના વિવિધ પ્રશ્નો મુદ્દે ચર્ચા વિચારણા અને સૂચનો કરવામાં આવ્યા હતા.
મહાનગરપાલિકા ખાતે પદાધિકારીઓની એક બેઠક યોજવામાં આવી હતી.જેમાં આગામી સમયમાં તહેવારો આવી રહ્યા છે ત્યારે દશામાંના તહેવારને લઈને કુત્રિમ તળાવ મુદ્દે ચર્ચા કરવામાં આવી હતી અને ગણપતિના તહેવારને લઈને પણ વિસર્જન મુદ્દે ચર્ચા વિચારણા કરવામાં આવી હતી.
આ સાથે તાજેતરમાં ખાબકેલ વરસાદમાં રોડ રસ્તા અને ડ્રેનેજ ની સમસ્યા હોય તો તેની કામગીરી પાલિકા તરફથી કરવામાં આવી રહી છે તે વધુ ઝડપ સાથે કરવામાં આવે તે મુદ્દે પણ ચર્ચા કરી લોકોને રાહત પડે તે દિશામાં કઈ રીતે કામ કરી શકાય તે મુદ્દે ચર્ચા કરવામાં આવી હતી.આ બેઠક માં પ્રથમ નાગરિક પિંકી સોની ડેપ્યુટી મેયર ચિરાગ બારોટ સ્થાયી સમિતિના અધ્યક્ષ ડોક્ટર શીતલ મિસ્ત્રી અને દંડક શૈલેષ પાર્ટી ઉપસ્થિત રહ્યા હતા.
Reporter: admin
