મોળી રાતે માર્કેટ ચાર રસ્તા પાસે યુવાનની ડોનગીરી - રિક્ષામાં દારૂની બોટલ મૂકી મહેફિલ માની રહ્યા હતા.વડોદરા શહેર ગુનાખોરીમાં ધીમે ધીમે અવ્વલ નંબર તરફ આગળ વધી રહ્યું છે. અસામાજિક તત્વોને પોલીસની જાણે કોઈ બીક જ રહી નથી તેમ ખુલ્લેઆમ દારૂની મહેફિલ માની લોકોને ચપ્પુ વડે ધમકાવી રહ્યા છે. 

વડોદરા શહેરના માર્કેટ ચાર રસ્તા પાસે મોળી રાતે એક યુવાનની ડોનગીરી સામે આવી છે. આ યુવાન દારૂના નશામાં ચૂર થઈને લોકોને ચપ્પુ વડે ધમકાવી રહ્યો હોવાનો વિડીયો પણ વાયરલ થયો છે.શહેરમાં કેટલાક યુવાનો દારૂના નશામાં ભાન ભૂલી પોતાને ડોન સમજી રહ્યા છે.અને ડોનગીરી ખુલ્લેઆમ કરી રહ્યા છે. આવા તત્વોને પોલીસની કોઈ બીક જ નથી.પોલીસ વિભાગ આવા તત્વો સામે કડકાઈથી પગલાં નથી ભરી રહી તેથી આવા લોકોને મોકલું મેદાન મળી જાય છે

શહેરના ચાર રસ્તા માર્કેટ પાસે ગત મોળી રાતે ખુલ્લેઆમ રિક્ષામાં દારૂની મહેફિલ માણી રહ્યો હતો અને ત્યાર બાદ ચપ્પુ બતાવી લોકોને ધમકાવી રહ્યો હતો જોકે કેટલાક જાગૃત નાગરિકોએ તેનો વિડીયો બનાવ્યો હતો અને તેને અટકાવ્યો હતો.ટોળું ભેગું થઇ જતા આ યુવાનની ડોનગીરી ભાંગી પડી હતી.અંતે આ અંગે પોલીસ વિભાગને જાણ કરવામાં આવતા પોલીસ ઘટના સ્થળે પહોંચી હતી અને યુવાન તેમજ તેના મળતિયાઓની અટકાયત કરી તેઓની અટકાયત કરવામાં આવી હતી.પોલીસ વિભાગ જો આવા તત્વો સામે કડક પગલાં ભરી દાખલો બેસાડશે તો અન્ય લોકો આવી પ્રવૃત્તિ કરતા અટકશે.

Reporter: News Plus