ભુવનેશ્વરના નીલાદ્રી વિહાર વિસ્તારમાં 10,500 ચોરસ ફૂટમાં ફેલાયેલ 4 માળનું વિશાળ મકાન પણ મળી આવ્યું છે, જે તપાસકર્તાઓ માટે સૌથી ચોંકાવનારી બાબત બની છે. ઉપરાંત પટિયા અને ચંદ્રશેખરપુર વિસ્તારમાં બે-બે માળના મકાનો તેમજ જાજપુરમાં પૈતૃક બે માળનું મકાન પણ સામે આવ્યું છે.સૌથી મોટો ખુલાસો એ થયો કે એન્જિનિયરની પત્નીના નામે બે બેંક લોકરમાંથી અંદાજે ₹2 કરોડ રોકડા મળી આવ્યા છે. નોટોની ગણતરી માટે બેંક મશીનોનો ઉપયોગ કરવામાં આવી રહ્યો છે. સાથે જ 4 થી 5 બેગોમાં ભરેલી મોટી રકમ પણ જપ્ત કરવામાં આવી છે.અધિકારીઓએ પ્રાથમિક તપાસમાં માત્ર રોકડ જ નહીં પરંતુ જમીન-મકાન અને રોકાણ સહિત કુલ સંપત્તિ કરોડોમાં હોવાનો અંદાજ લગાવ્યો છે. અત્યાર સુધી 13 પ્લોટ મળી આવ્યા છે, જેમાં ભુવનેશ્વર, જાજપુર અને બારીપદાના વિસ્તારોનો સમાવેશ થાય છે.વિજિલન્સ વિભાગનું કહેવું છે કે તપાસ હજી ચાલુ છે અને સંપૂર્ણ હિસાબ બાદ જ સાચી સંપત્તિનો આંકડો બહાર આવશે. આ કેસ તાજેતરના વર્ષોમાં ઓડિશાની સૌથી મોટી આવક કરતાં વધુ સંપત્તિની કાર્યવાહીઓમાંનો એક માનવામાં આવી રહ્યો છે.