29મી જૂન 2024ના રોજ, સિગ્મા યુનિવર્સિટીએ મદદનીશ નિયામક (ઇ એમ્પ્લોયમેન્ટ એન્ડ ટ્રેનિંગ) વડોદરા ઓફિસના સહયોગથી વડોદરાના મોસ્ટ અવેઇટેડ મેગા પ્લેસમેન્ટ ફેરનું આયોજન કર્યું હતું.
આ ફેરમાં 100 કરતા વધારે કંપનીઓ દ્વારા 7000 જેટલી રોજગાર ની તકો ઓફર કરવામાં આવી હતી જેમા 1500 કરતા વધારે લાભાર્થીઓ ભાગ લિધો હતો. વડોદરાના કુશળ અને પ્રતિભાશાળી સ્નાતકો અને વ્યાવસાયિકોને ધ્યાનમાં રાખીને, યુનિવર્સિટીએ વિવિધ ઉદ્યોગોમાં શ્રેષ્ઠ કંપનીઓને આમંત્રણ આપ્યું હતું અને વડોદરા અને નજીકના જિલ્લાઓની યુનિવર્સિટીઓના વિધાર્થીઓને આમંત્રિત કર્યા હતા.વિધાર્થીઓ, સ્નાતકો અને વ્યાવસાયિકો મેનેજમેન્ટ, એન્જિનિયરિંગ, નર્સિંગ, ફાર્મસી, અને હેલ્થકેર જેવા વિવિધ ક્ષેત્રોમાં રોજગાર શોષવા માટે એકસાથે આવ્યા હતા. નિરમા લિમિટેડ, એસબીઆઈ, સન ફાર્મા, પોલિસી બજાર, મર્ક્યુરી લેબોરેટરી, મેડકાર્ટ ફાર્મસી, સયાજી હોટેલ્સ જેવી પ્રખ્યાત સંસ્થાઓએ પ્લેસમેન્ટ ફેરમાં ભાગ લીધો હતો.સિગ્મા યુનિવર્સિટીના પ્રેસિડેન્ટ ડો. હર્ષ શાહે સહભાગીઓને સંબોધતા જણાવ્યું હતું કે "કોલેજની કેન્ટીનમાં પસાર કારેલા ક્ષણોથી લઈને નોકરી શોધવાના તણાવ સુધી, તમે બધા ખૂબ આગળ નીકળી ગયા છો.
તમારી કારકિર્દીના વિકાસ માટે સિગ્મા યુનિવર્સિટીના મેગા પ્લેસમેન્ટ ફેર દ્વારા આ અદ્ભુત તક તમારા સુધી પહોંચાડવા જઈ રહી છે, અમે ઇચ્છા કરીએ છીએ તમે શ્રેષ્ઠ પેકેજો મેળવવાનું ચાલુ રાખો અને તમારી સફળતા તમારી મહેનતનું પ્રમાણ બને.સિગ્મા યુનિવર્સિટી શ્રેષ્ઠતા, નવીનતા અને સામાજિક પ્રગતિ માટે પ્રતિબદ્ધ છે, જેમાં શૈક્ષણિક કઠોરતા, ઉદ્યોગ સહયોગ અને વિદ્યાર્થી સશક્તિકરણનો પાયો છે, જે શિક્ષણ અને ઉદ્યોગના ભાવિને આકાર આપે છે. સિગ્મા યુનિવર્સિટી, ઔપચારિક રીતે સિગ્મા ગ્રૂપ ઑફ ઇન્સ્ટિટ્યૂટ્સની સ્થાપના વર્ષ 2002માં કરવામાં આવી હતી. તે વડોદરામાં આવેલી એક ખાનગી યુનિવર્સિટી છે જેમાં 17 થી વધુ રાષ્ટ્રીયતાના વિધાર્થીઓ અને 50000 વિદ્યાર્થીઓના ભૂતપૂર્વ વિધાર્થીઓનું નેટવર્ક છે. ટાઇમ્સ એન્જિનિયરિંગ ઇન્સ્ટિટ્યૂટ રેન્કિંગ સર્વેક્ષણ દ્વારા યુનિવર્સિટીને પશ્ચિમ ઝોનમાં 20મું સ્થાન મળ્યું છે.
Reporter: News Plus
