કચ્છના સામખયારીથી રાધનપુર જતા હાઈવે પર ભયાનક અક્સ્માત સર્જાયો હોવાના સમાચાર સામે આવ્યા છે.  ટ્રક અને ઇકો ગાડીનો અકસ્માત સર્જાયો છે. આ ગંભીર અકસ્માતમાં 6 લોકોના ઘટના સ્થળે મોત થયાની વિગતો સામે આવી છે. આ સાથે અકસ્માતમાં અન્ય ઘાયલોને સ્થાનિક હોસ્પિટલમાં પ્રાથમિક સારવાર માટે ખસેડવામાં આવ્યા છે.

અકસ્માતની જાણ થતાની સાથે જ પોલીસ ઘટના સ્થળે પહોંચી છે.ક્ચ્છનાં આડેસર નજીક મોમાઈમોરા દર્શન કરવા આવેલા પરિવારને કાળનો ચક્ર ભરખી ગયો હતો. લાકડીયા - રાધનપુર નેશનલ હાઇવે પર ઇકો કાર અને ટ્રેઈલર વચ્ચે ગમખ્વાર અકસ્માત સર્જાયો હતો. જેમાં ઇકો કારમાં મુસાફરી કરતા ડ્રાઇવર સહીત કુલ ૬ લોકોનાં ઘટના સ્થળ પર મોત થયાં હતા. જ્યારે અન્ય ત્રણ ઇજાગ્રસ્તોને સારવાર માટે ૧૦૮ મારફતે નજીકનાં હોસ્પિટલમાં ખસેડવામાં આવ્યા હતા. જેમાંથી એકની હાલત અત્યંત નાજુક જોવાનું જાળવા મળી રહ્યું છે. આ અંગે મળતી માહિતી અનુસાર રાજકોટનાં ગોંડલ રહેતો પરિવાર ઇકો કાર ભાડે કરી કચ્છનાં આડેસર નજીક આવેલા મોમાઈમોરામાં દર્શન કરવા આવ્યા હતા. જેમાં દર્શન કરી પરત ફરતી વખતે સામખિયાળીથી રાધનપુર જતા નેશનલ હાઇવે પર લાકડીયા નજીક પરિવારને અકસ્માત નડયો હતો

જેમાં ટ્રકને ઓવરટેક કરવા જતા સામેથી આવતા ટ્રેઈલર સાથે ધડાકા ભેર ઇકો કાર ભટકાઈ ગઈ હતી. જેમાં ડ્રાઇવર સહીત કારમાં બેઠેલા ત્રણ મહિલા સહીત કુલ ૬ લોકોનાં ઘટના સ્થળે મોત નીપજ્યા હતા. અકસ્માત એટલો ભયંકર હતું કે ઇકો કારનો ડૂચો વળી ગયો હતો.ત્રણ ઘાયલ મુસાફરોને તાત્કાલિક ૧૦૮ મારફતે સારવાર અર્થે નજીકનાં હોસ્પિટલમાં ખસેડવામાં આવ્યા હતા. જેમાં એક ની હાલત નાજુક હોવાનું જાળવા મળી રહ્યું છે. નેશનલ હાઇવે પર અકસ્માતનાં લીધે વાહનોની લાંબી કતારો લાગી ગઈ હતી અને રોડ પર ટ્રાફિક જામ સર્જાયો હતો.

Reporter: News Plus