સમસ્ત કનોડીયા સમાજ રમત ઉત્સવ સમિતિ ગુજરાત અને કાન્ય કુબ્જ વૈશ્ય કનોજીયા સમાજ યુવા સેના દ્વારા શહેરના લાલબાગ એસઆરપી ગ્રુપ ના મેદાન ખાતે ક્રિકેટ ટુર્નામેન્ટનું આયોજન કરવામાં આવ્યું હતું. જેમાં રાજ્યમાં વસતા અલગ અલગ જિલ્લા અને શહેરની ટીમોએ ભાગ લીધો હતો.
શહેર અને રાજ્યમાં વસતા કનોજીયા સમાજના યુવાનો એકત્ર થઈ એક મંચ પર પોતાની એકતા બતાવે તે હેતુથી ક્રિકેટ ટુર્નામેન્ટનું આયોજન હાથ ધરાયુ હતું. આ ટુર્નામેન્ટમાં 12 ટીમોએ ભાગ લીધો હતો. શનિવાર અને રવિવાર એમ બે દિવસ સુધી યોજાયેલી ટુર્નામેન્ટમાં સમાજના અગ્રણીઓ અને મોટી સંખ્યામાં બંધુઓએ હાજરી આપી યુવાઓનો ઉત્સાહ વધાર્યો હતો. કાન્ય કુબ્જ વૈશ્ય કનોજીયા સમાજ દ્વારા અનેકવિધ આયોજન કરવામાં આવે છે. વડોદરા શહેર કનોજીયા સમાજ, અખિલ ગુજરાત કાન્ય કુબ્જ વૈશ્ય કનોજીયા સમાજ, કનોજીયા સમાજ યુવા સેના અને કનોજીયા સમાજ રમત ઉત્સવ સમિતિ, ગુજરાતના અગ્રગણ્ય બંધુઓએ કરેલા આયોજનની સરાહનીય કામગીરી કરાઈ હતી.
Reporter: News Plus
