વડોદરા : બરોડાના ક્રિકેટર હાર્દિક પંડ્યા હાલમાં તે ગ્રીસમાં વેકેશન પર છે. તાજેતરમાં તેની પત્ની, અભિનેતા નતાસા સ્ટેનકોવિકથી અલગ થવાની જાહેરાત કરી હતી,  જો કે, વેકેશનના તેના ફોટાને કારણે તે બ્રિટિશ સિંગર અને ટીવી પર્સનાલિટી જાસ્મીન વાલિયાને ડેટ કરી રહ્યો હોવાની અફવાઓ ફેલાઈ છે.

હાર્દિકથી અલગ થયા બાદ નતાશાએ દેશ છોડી દીધો છે. તે તેના પુત્ર સાથે સર્બિયા જતી રહી છે અને ત્યાંથી સોશિયલ મીડિયા પર પોસ્ટ કરીને માહિતી પીરસતી રહે છે. આ દરમિયાન હાર્દિક પણ તેની નવી જિંદગીમાં સેટલ થઇ રહ્યો છે. હાલમાં તે ગ્રીસમાં વેકેશન મોડમાં છે. તે ત્યાંથી તેના ફોટાઓ શેર કરી રહ્યો છે, જેને કારણે તે એક હોટ બેબને ડેટ કરી રહ્યો હોવાની અટકળોએ જોર પકડ્યું છે.હાર્દિકે ગ્રીસ વેકેશનથી પોતાનો એક કિલર વીડિયો શેર કર્યો છે. હાર્દિકે સ્વિમિંગ પૂલની આસપાસ પોઝ આપતો વીડિયો શેર કર્યો છે. આ વીડિયોમાં હાર્દિક સુંદર લોકેશન પર ફૂલ ચીલ મોડમાં જોવા મળી રહ્યો છે. 

હાર્દિકના ચહેરાની મુસ્કાન જણાવે છે કે તે કેટલું એન્જોય કરી રહ્યો છે. અને તેનો સ્વેગ પણ જોવા લાયક છે. તેણે પ્રિન્ટેડ શર્ટ અને બેજ પેન્ટ પહેર્યું છે. બસ આ પોસ્ટ જોયા બાદ જ તેના ફેન્સને લાગે છે કે હાર્દિક ત્યાં એકલો નથી, પણ બ્રિટીશ હોટ હોટ બેબ જાસ્મિન વાલિયા છે. હવે તમને વિચાર આવશે કે વીડિયોમાં તો હાર્દિક એકલો જ દેખાઇ રહ્યો છે, તો પછી તેનું અને જાસમીન વાલિયાનું શું કનેક્શન આવે! તો ધીરજ ધરો.હવે આ જ સમયગાળામાં બ્રિટિશ સિંગર જાસ્મીન વાલિયાએ પણ ગ્રીસના સેમ લોકેશનથી પોતાના વેકેશનની તસવીરો શેર કરી છે. જાસ્મિને સ્વિમિંગ પૂલ પાસે ઉભા રહીને બ્લુ બિકીનીમાં પોતાની તસવીરો શેર કરી હતી. સૂરજના તાપથી બચવા માટે તેણે સ્ટ્રો ટોપી પણ પહેરેલી છે.

Reporter: admin