આ અઠવાડિયામાં સોનું અને ચાંદીના ભાવમાં નોંધપાત્ર ઘટાડો નોંધાયો છે. ઇન્ડિયા બુલિયન એન્ડ જ્વેલર્સ એસોસિએશન (IBJA)ના તાજા આંકડા મુજબ, 10 ગ્રામ 24 કેરેટ સોનાનો ભાવ ₹2,830 ઘટીને ₹1.45 લાખ પર આવ્યો છે. ગયા અઠવાડિયે એટલે કે 13 જૂનના રોજ સોનાનો ભાવ ₹1.48 લાખ પ્રતિ 10 ગ્રામ હતો.
ચાંદીના ભાવમાં પણ આ અઠવાડિયામાં મોટો ઘટાડો જોવા મળ્યો છે. ચાંદીનો ભાવ ₹2.43 લાખ પ્રતિ કિલોથી ઘટીને ₹2.32 લાખ પ્રતિ કિલો પર આવ્યો છે. એટલે કે ચાંદીમાં કુલ ₹10,609નો ઘટાડો નોંધાયો છે.
ચાલુ વર્ષ દરમિયાન સોનું-ચાંદીના ભાવમાં સતત ઉતાર-ચઢાવ જોવા મળી રહ્યો છે. 31 ડિસેમ્બર 2025ના રોજ સોનાનો ભાવ ₹1.33 લાખ હતો, જે 29 જાન્યુઆરી 2026ના રોજ વધીને ₹1.76 લાખના સર્વોચ્ચ સ્તરે પહોંચ્યો હતો. જોકે, ત્યારબાદ સોનાના ભાવમાં સતત નરમાઈ જોવા મળી રહી છે અને હાલ સુધીમાં સોનું તેના ઓલ ટાઈમ હાઈથી આશરે ₹31 હજાર સસ્તુ થઈ ગયું છે.
Reporter: admin
