આણંદ : બોરસદના વાલવોડમાં ONGCની સાઇટ પર આગ લાગી હતી. ONGCની 7 નંબરના વેલમાં અચાનક આગ ભભૂકી હતી.
આણંદ બોરસદનાં વાલવોડમાં ONGC ની સાઇટ પર ભયંકર આગ લાગી હોવાની ઘટના બની છે. ONGC ની 7 નંબરની વેલમાં એકાએક આગ લાગી જતાં નાસભાગ મચી છે. ફાયરની ટીમ દ્વારા આગ પર કાબૂ મેળવવા પ્રયાસ કરવામાં આવી રહ્યો છે. જો કે, એવું કહેવાઇ રહ્યું છે કે ફાયરની ટીમ દોઢ કલાક મોડી આવતા આગ વિકરાળ બની છે. ONGC ને આગમાં લાખોનું નુકસાન થયું હોવાની આશંકા છે.
વાલવોડ ગામે દિવાળી તહેવાર ટાણે મોટી દુર્ઘટના ઘટી છે. વાલવોડમાં ONGC ની 7 નંબરની વેલમાં અચાનક ભીષણ આગ ફાટી નીકળી છે. સાઇટ પર આગ લાગતા અફરાતફરીનો માહોલ સર્જાયો છે. ઓએનજીસી સાઇટ પર આગની ઘટના બનતા ફાયર વિભાગને જાણ કરવામાં આવી હતી. ફાયરની ટીમ દ્વારા આગ પર કાબૂ મેળવવામાં આવી રહ્યો છે.
Reporter: admin
