કોમનવેલ્થ ગેમ્સ 2026માં ભારતીય મહિલા બોક્સર પ્રિયાએ 60 કિલોગ્રામ વજન વર્ગમાં શાનદાર પ્રદર્શન કરીને સેમિફાઇનલમાં સ્થાન મેળવ્યું છે. ક્વાર્ટરફાઇનલમાં પ્રિયાએ સ્કોટલેન્ડની નિયામ મિશેલને 4-1ના નિર્ણયથી હરાવી ભારત માટે વધુ એક મેડલ નિશ્ચિત કર્યો છે.
મુકાબલાની શરૂઆતમાં પ્રથમ રાઉન્ડમાં ચાર જજોના સ્કોરકાર્ડ પર પાછળ હોવા છતાં પ્રિયાએ ધીરજ અને આત્મવિશ્વાસ જાળવી રાખ્યો. બીજા અને ત્રીજા રાઉન્ડમાં તેણે આક્રમક રમત, અસરકારક કાઉન્ટર એટેક અને રિંગ પર ઉત્તમ નિયંત્રણ સાથે જોરદાર વાપસી કરી.
ચાર જજોએ પ્રિયાના પક્ષમાં 28-27નો સ્કોર આપ્યો, જ્યારે પાંચમા જજે 29-26ના સ્કોર સાથે પ્રિયાને વિજેતા જાહેર કરી હતી. આ જીત સાથે પ્રિયા અને ભારતીય બોક્સર પ્રીતિએ ભારત માટે વધુ બે મેડલ નિશ્ચિત કર્યા છે.
હવે પ્રિયા 31 જુલાઈએ સેમિફાઇનલમાં મેદાનમાં ઉતરશે અને ફાઇનલમાં પ્રવેશ મેળવી ગોલ્ડ મેડલ તરફ આગળ વધવાનો પ્રયાસ કરશે.
Reporter: admin
