ભારતીય ક્રિકેટ ટીમના કેપ્ટન શુભમન ગિલે ફરી એકવાર ICC વનડે બેટિંગ રેન્કિંગમાં વિશ્વના નંબર-1 બેટ્સમેનનું સ્થાન હાંસલ કર્યું છે. ગિલે ન્યૂઝીલેન્ડના ડેરિલ મિચેલને પાછળ છોડીને કારકિર્દીમાં ત્રીજી વખત આ સિદ્ધિ મેળવી છે.
ડેરિલ મિચેલ વેસ્ટ ઇન્ડીઝ સામેની શ્રેણીમાં ભાગ ન લેતા શુભમન ગિલને રેન્કિંગમાં આગળ વધવાનો લાભ મળ્યો. મિચેલ આ વર્ષના જાન્યુઆરીથી ટોચના સ્થાને હતા.
બીજી તરફ, ઝિમ્બાબ્વે સામેની તાજેતરમાં પૂર્ણ થયેલી ટી20 શ્રેણીમાં શાનદાર પ્રદર્શન કરનાર 15 વર્ષીય વૈભવ સૂર્યવંશીએ ICC ટી20 બેટિંગ રેન્કિંગમાં 230 સ્થાનની જંગી છલાંગ લગાવી 48મું સ્થાન મેળવ્યું છે. યુવા ખેલાડીની આ સિદ્ધિ ભારતીય ક્રિકેટ માટે સકારાત્મક સંકેત માનવામાં આવી રહી છે.
ટી20 બેટિંગ રેન્કિંગમાં ભારતના ઈશાન કિશન 910 રેટિંગ પોઈન્ટ્સ સાથે ટોચના સ્થાને યથાવત છે. તાજેતરમાં તેમણે 916 રેટિંગ પોઈન્ટ્સ પણ મેળવ્યા હતા, જે ટી20 આંતરરાષ્ટ્રીય ક્રિકેટના ઈતિહાસમાં સૌથી ઊંચા રેટિંગમાંના એક ગણાય છે. શુભમન ગિલ અને વૈભવ સૂર્યવંશીની આ ઉપલબ્ધિથી ભારતીય ક્રિકેટને આંતરરાષ્ટ્રીય સ્તરે વધુ મજબૂતી મળી છે.
Reporter: admin
