નિતેશ તિવારીની બહુપ્રતિક્ષિત ફિલ્મ **'રામાયણ'**ના ટ્રેલરે રિલીઝ થતાં જ દર્શકોમાં ભારે ઉત્સાહ જગાવ્યો છે. ટ્રેલરનું સૌથી મોટું આકર્ષણ રણબીર કપૂરનો ડબલ રોલ માનવામાં આવી રહ્યો છે. ફિલ્મમાં તે માત્ર ભગવાન શ્રીરામ જ નહીં, પરંતુ ભગવાન પરશુરામની ભૂમિકામાં પણ જોવા મળશે.

ટ્રેલરમાં રણબીર કપૂરના બે અલગ-અલગ લુક જોવા મળતા સોશિયલ મીડિયા પર તેમના ડબલ રોલની ચર્ચા શરૂ થઈ હતી. ત્યારબાદ સ્પષ્ટ થયું કે તેઓ ભગવાન વિષ્ણુના બે અવતાર—શ્રીરામ અને પરશુરામ—નું પાત્ર ભજવી રહ્યા છે.

ફિલ્મમાં સાઈ પલ્લવી માતા સીતાના પાત્રમાં, યશ રાવણના પાત્રમાં, સની દેઓલ હનુમાનના પાત્રમાં અને રવિ દુબે લક્ષ્મણના પાત્રમાં જોવા મળશે. ભવ્ય વિઝ્યુઅલ ઇફેક્ટ્સ, શાનદાર બેકગ્રાઉન્ડ સ્કોર અને સ્ટારકાસ્ટને કારણે ટ્રેલરને દર્શકો તરફથી સકારાત્મક પ્રતિસાદ મળી રહ્યો છે.

'રામાયણ: પાર્ટ-1' આ વર્ષે દિવાળીના અવસરે સિનેમાઘરોમાં રિલીઝ થશે, જ્યારે તેનો બીજો ભાગ દિવાળી 2027માં રિલીઝ કરવાની યોજના છે.

Reporter: admin