ચીનમાં રાષ્ટ્રપતિ શી જિનપિંગના નેતૃત્વ હેઠળ ફરી એકવાર સૈન્ય અને રાજકીય તંત્રમાં મોટા પાયે કાર્યવાહી કરવામાં આવી છે. ચીનની સર્વોચ્ચ વિધાનસભા નેશનલ પીપલ્સ કોંગ્રેસ (NPC)એ છ સૈન્ય પ્રતિનિધિઓ સહિત અનેક વરિષ્ઠ અધિકારીઓને તેમના પદ પરથી હટાવવાનો નિર્ણય કર્યો છે. જોકે, આ કાર્યવાહી પાછળનું સત્તાવાર કારણ જાહેર કરવામાં આવ્યું નથી.
ચીની સરકારી સમાચાર એજન્સી શિનહુઆના અહેવાલ મુજબ, હટાવવામાં આવેલા અધિકારીઓમાં સેન્ટ્રલ મિલિટરી કમિશનના ઇક્વિપમેન્ટ ડેવલપમેન્ટ વિભાગના વડા જનરલ શૂ શ્યુછિયાંગનું નામ સૌથી મહત્વપૂર્ણ માનવામાં આવે છે. તેઓ ચીનના માનવ અવકાશ કાર્યક્રમના કમાન્ડર-ઇન-ચીફ તરીકે પણ ફરજ બજાવી રહ્યા હતા.
Reporter: admin
