વાલની દાળ બનાવવા માટેની સામગ્રીમાં એક કપ વાલની દાળ, તેલ જરૂર પ્રમાણે, મીઠુ જરૂર પ્રમાણે, એક ચમચી અજમો, ચપટી હિંગ, અડધી ચમચી હળદર, એક ચમચી મરચું, બે ચમચી સમારેલી કોથમીર, ચપટી સાંજીના ફૂલ, બે ચમચી ખાંડ, પાણી જરૂરી છે
વાલની દાળને રાત્રે પલાળી સવારે ધોઈ લેવી. ગેસ પર એક વાસણમાં તેલ અને અજમાનો વઘાર મૂકી તેમાં હિંગ, હળદર અને મરચું ઉમેરી દાળ પાણી સાથે વઘારવી. તેમાં થોડા સાંજીના ફૂલ ઉમેરવા. હવે તેમાં મીઠુ, ખાંડ ઉમેરી ધીમી આંચ પર ગરમ થવા દેવી. દાળના દાણા તૂટે નહીં તે માટે વધારે મિક્સ કરવા નહીં. જરૂર પડે તો પાણી ઉમેરવું. ઉપરથી કોથમીર ભભરાવી મિક્સ કરી ગેસ પરથી ઉતારી સર્વ કરી દેવી.
Reporter: admin
