ટોક્યો : જાપાનના હોકાઈડો ક્ષેત્રમાં સોમવારે વહેલી સવારે ભૂકંપના શક્તિશાળી ઝટકા અનુભવાયા હતા. રિક્ટર સ્કેલ પર આ ભૂકંપની તીવ્રતા 6.1 નોંધાઈ છે.
જેના કારણે ગાઢ નિદ્રામાં રહેલા લોકો ગભરાઈને ઘરની બહાર દોડી આવ્યા હતા.જાપાનની હવામાન એજન્સીના જણાવ્યા મુજબ, ભૂકંપ આજે વહેલી સવારે 5:24 વાગ્યે (ભારતીય સમય મુજબ રાત્રે 01:54 વાગ્યે) આવ્યો હતો.
ભૂકંપની તીવ્રતા મધ્ય ટોકાચી ક્ષેત્રમાં જાપાનીઝ સ્કેલ પર '5+' નોંધાઈ હતી.રાહતની વાત એ છે કે, આ ભૂકંપ બાદ અત્યાર સુધી સુનામીની કોઈ ચેતવણી જાહેર કરવામાં આવી નથી. તેમજ હજુ સુધી કોઈ મોટી જાનહાનિ કે મિલકતને નુકસાન થયાના અહેવાલો મળ્યા નથી.
Reporter: admin
