જેદ્દાહ : સઉદી અરબસ્તાનના પશ્ચિમ વિસ્તારમાં આવેલાં જીઝાન પાસે થયેલા એક ગમખ્વાર માર્ગ અકસ્માતમાં ૯ ભારતીયોનાં મૃત્યુ થયાં હતાં.
બુધવારે જીદ્દાહ સ્થિત ભારતીય ઉપદૂતાવાસે આ માહિતી આપી હતી. આ સાથે ઉપદૂતાવાસના અધિકારીએ જણાવ્યું હતું કે અમે તે મૃતકોનાં સગાં વહાલાંના સંપર્કમાં છીએ. આ ઉપરાંત ઉપદૂતાવાસે પોસ્ટ ઉપર જણાવ્યું હતું કે જીઝાન નજીક થયેલા આ ગમખ્વાર બનાવથી અમો ઘણા વ્યથિત થયા છીએ.ઉપદૂતાવાસનું નિવેદન વધુમાં જણાવે છે કે : જિદ્દાહ સ્થિત ઉપ રાજદૂત તમામ સહાય પહોંચાડી રહ્યા છે, અને તે અકસ્માતમાં ઇજાગ્રસ્તોને પૂરી અને યોગ્ય સારવાર મળે તેવી વ્યવસ્થા ગોઠવી રહ્યા છે. તેઓ જલ્દી સાજા થઇ જાય તેવી શુભેચ્છા. અકસ્માતમાં મૃત્યુ પામેલાઓ વિષે વધુ માહિતી મેળવવા તેમજ ઇજાગ્રસ્તોનાં કુુુટમ્બીજનોને પણ સહાયભૂત થાય તે માટે અમે એક હેલ્પ લાઈન શરૂ કરી દીધી છે.
Reporter: admin
