બરોડા સિટીઝન્સ કાઉન્સિલના ૫૮મા સ્થાપના દિવસની ઉજવણી કરવામાં આવી હતી. બરોડા સિટીઝન્સ કાઉન્સીલ દ્વારા આજરોજ તેના ૫૮ માં સ્થાપના દિવસ નિમિત્તે એક અલગ અંદાજમાં ઉજવણી કરવામાં આવી હતી. સંસ્થા દ્વારા તેના દરેક દાતાઓને એક છત નીચે આમંત્રિત કર્યા હતા, અને તેમને તેમના દ્વારા આપવામાં આવતા અનુદાન નો ઉપયોગ બાળકો,મહિલાઓ અને યુવાનોના શારીરિક, માનસિક અને શૈક્ષણિક કાર્યોમાં વપરાય છે, તેની પ્રત્યક્ષ જાણકારી સંસ્થા દ્વારા આપવામાં આવી હતી તેમજ દાતાઓ દ્વારા પણ તેમના સંસ્થા માટેના અનુભવો રજૂ કર્યા હતા. આ સાથે આ કાર્યક્રમના મુખ્ય અતિથિ પ્રોફેસર.ડો-વી.કે શ્રીવાસ્તવ,વાઇસ ચાન્સેલર-મહારાજા સયાજીરાવ યુનિવર્સિટી ઓફ બરોડાના સ્વહસ્તે દરેક દાતાઓને પ્રશસ્તિપત્ર આપીને તેઓનું સન્માન કરવામાં આવ્યું હતું.
આ કાર્યક્રમમાં યેદિરપાટીલ ડાઇરેક્ટર- હ્યૂમન રિસોર્સ એમ.જી મોટર ઈન્ડિયા પ્રા.લીમીટેડ હાલોલ,બરોડા સિટીઝન કાઉન્સિલ સંસ્થાના અધ્યક્ષા શ્રીમતી તરલ પટેલ તેમજ સંસ્થાના તમામ ટ્રસ્ટીઓ તથા ડોનર્સ હાજર રહ્યા હતા. સંસ્થાના કાર્યપાલક નિયામક મમતા સંજય સિંગ દ્વારા ૫૮મો સ્થાપના દિવસ નિમિતે વડોદરા,પંચમહાલ અને છોટાઉદેપુર શહેર અને ગ્રામ્ય કક્ષાએ થયેલ પ્રવૃતિઓ ની જાણકારી આપવામાં આવી હતી. હાજર રહેલ ડોનર્સ દ્વારા જણાવ્યુ હતું કે વર્ષોવર્ષ વધુ લાભાર્થીઓ ને સ્પોર્ટ કરવા માટે પ્રયત્નશીલ રહેશું. ૫૮માં સ્થાપના દિવસની ઉજવણીના ભાગરૂપે વધુને વધુ ઉત્સાહ જોવા મળ્યો હતો.
Reporter: News Plus
