વાપી દુષ્કર્મ કેસમાં કઠોર સજા: આરોપીને 20 વર્ષની કેદ અને ₹10,000 દંડ
Vapi વિસ્તારમાં રહેતી એક કિશોરી સાથે થયેલા ગંભીર દુષ્કર્મ કેસમાં વાપીની એડિશનલ સેશન્સ કોર્ટે આરોપીને 20 વર્ષની સખત કેદની સજા અને ₹10,000નો દંડ ફટકાર્યો છે. ઉપરાંત પીડિતાને રાજ્ય સરકારની યોજના હેઠળ ₹4 લાખનું વળતર ચૂકવવાનો આદેશ પણ આપ્યો છે.કેસની વિગતો મુજબ, વર્ષ 2021માં કિશોરીના પાડોશમાં રહેતા રાજકુમાર સિંહે તેના ઘરે જઈ લસ્સીમાં નશીલો પદાર્થ ભેળવી તેને બેભાન કરી દીધી હતી. ત્યારબાદ તેણે કિશોરી સાથે દુષ્કર્મ આચરી તેના નગ્ન ફોટા અને વીડિયો ઉતારી લીધા હતા.
આ પછી આરોપીએ આ સામગ્રીના આધારે કિશોરીને સતત બ્લેકમેલ કરી બે વર્ષ સુધી વારંવાર શારીરિક શોષણ કર્યું હતું. અંતે તેણે આ ફોટા અને વીડિયો સોશિયલ મીડિયા પર વાયરલ કરી દીધા હતા.પીડિતાએ હિંમત કરીને પોલીસમાં ફરિયાદ નોંધાવતા આરોપીની ધરપકડ કરવામાં આવી હતી અને કેસની ચાર્જશીટ કોર્ટમાં રજૂ કરવામાં આવી હતી. સુનાવણી દરમિયાન સરકારી વકીલ દ્વારા મેડિકલ રિપોર્ટ, સાક્ષીઓના નિવેદનો સહિતના પુરાવા રજૂ કરવામાં આવ્યા હતા.તમામ પુરાવાઓના આધારે કોર્ટે આરોપીને દોષિત ઠેરવી કડક સજા ફટકારી છે, જેને સમાજ માટે એક મહત્વપૂર્ણ ચુકાદો માનવામાં આવી રહ્યો છે.
Reporter: admin
