વોશિંગ્ટન: અમેરિકા આજે પોતાના ઇતિહાસના સૌથી મહત્વપૂર્ણ પડાવોમાંથી એક એવા 250મા સ્વતંત્રતા દિવસની ભવ્ય ઉજવણી કરી રહ્યું છે. 4 જુલાઈ, 2026ના રોજ અમેરિકાએ સ્વતંત્રતાની ઘોષણાને 250 વર્ષ પૂર્ણ કર્યા છે. આ અવસરે સમગ્ર દેશમાં ભવ્ય સમારંભો, સ્મારક કાર્યક્રમો, પરેડ, સાંસ્કૃતિક કાર્યક્રમો અને નાગરિક ભાગીદારીના વિવિધ આયોજન કરવામાં આવ્યા છે.
'America250' નામની આ સત્તાવાર પહેલ હેઠળ સમગ્ર વર્ષ દરમિયાન દેશભરમાં અનેક કાર્યક્રમો યોજાશે. આ ઉજવણીની શરૂઆત 31 ડિસેમ્બર, 2025થી થઈ હતી અને તે સમગ્ર વર્ષ 2026 દરમિયાન ચાલુ રહેશે.
આ પહેલનું નેતૃત્વ અમેરિકી કોંગ્રેસ દ્વારા વર્ષ 2016માં રચાયેલા U.S. Semiquincentennial Commission અને તેની સહયોગી સંસ્થા America250.org કરી રહી છે. તેનો મુખ્ય હેતુ દેશના ઇતિહાસને યાદ કરવો, સ્વતંત્રતા માટે યોગદાન આપનારાઓને સન્માનિત કરવું અને દેશના ભવિષ્ય અંગે નવી પેઢીમાં જાગૃતિ લાવવાનો છે.
આ અભિયાન હેઠળ "350 for 250" નામનો વિશેષ કાર્યક્રમ પણ શરૂ કરવામાં આવ્યો છે, જેમાં વર્ષભર વિવિધ શૈક્ષણિક, સાંસ્કૃતિક અને સામાજિક પ્રવૃત્તિઓ દ્વારા અંદાજે 35 કરોડ લોકોને જોડવાનો લક્ષ્યાંક નક્કી કરવામાં આવ્યો છે.
અમેરિકાના 250મા સ્વતંત્રતા વર્ષની ઉજવણીને દેશના ઇતિહાસની સૌથી મોટી રાષ્ટ્રીય ઉજવણીઓમાંની એક માનવામાં આવી રહી છે.
Reporter: admin
