વડોદરા : કેનેડાના ટોરન્ટોમાં એક ભયાનક કાર અકસ્માત થયો છે. આ ઇલેક્ટ્રિક કાર અકસ્માતમાં આગ લાગતા ચાર ભારતીયોના ઘટના સ્થેળ જ મોત નિપજ્યા છે. 

જેમાંથી ત્રણ ગુજરાતીઓના મોત થયા છે. અને એક મહારાષ્ટના યુવકનું મોત થયું છે. જયારે અન્ય એક ભારતીય યુવતી ઈજાગસ્ત હાલતમાં હોસ્પિટલમાં દાખલ કરવામાં આવી છે. ટોરેન્ટોમાં એક ટેસ્લા કાર પુરઝડપે જતા અકસ્માત સર્જાયો હતો અને તેમાં આગ લાગી હતી. બોરસદના જયરાજસિંહ સિસોદિયાનું અક્સ્માતમાં મોત નિપજ્યું છે. જયરાજસિંહ સિસોદિયા બોરસદના પૂર્વ ધારાસભ્ય રાજેન્દ્રસિંહ પરમારના ભાણેજ હતા. તો કારમાં સવાર લુણાવાડાના સગા ભાઈબહેનનું પણ મોત નિપજ્યું છે.મળતી વિગતો મુજબ, કેનેડાના ટોરેન્ટોમાં એક ટેસ્લા કાર પુરઝડપે જતા અકસ્માત સર્જાયો હતો. કારમાં 5 ભારતીયો સવાર હતા. જેમાંથી 3 ગુજરાતીઓના મોત નિપજ્યા છે. અન્ય મૃતક યુવક મહારાષ્ટ્રનો વતની છે. 

તો કારમાં સવાર અન્ય એક યુવતીનો બચાવ થયો હતો. જે યુવતીનો બચાવ થયો છે, તે પણ હાલ ગંભીર હાલતમાં હોસ્પિટલમાં દાખલ છે.મૃત પામેલા ગુજરાતીઓમાં આણંદ જિલ્લાનાં બોરસદ વિધાનસભાનાં પૂર્વ કોંગી ધારાસભ્ય રાજેન્દ્રસિંહ પરમારનાં ભાણેજ જયરાજસિંહનું મોત થયું છે.મૃતક જયરાજસિંહનાં પિતા હરેન્દ્રસિંહ સીસોદીયા ભાદરણ કોલેજમાં પ્રોફેસર તરીકે ફરજ બજાવે છે. જયરાજસિંહ સિસોદિયા છેલ્લા કેટલાક સમયથી કેનેડામાં રહેતો હતો. જેને પગલે પરિવારમાં શોકનો માહોલ છવાયો છે.

મૃતકોના નામ
મૃતકોમાં ત્રણ ગુજરાતી અને એક મહારાષ્ટ્રનો યુવક
બોરસદના જયરાજસિંહ સિસોદિયા
લુણાવાડાના સગા ભાઈ-બહેન
 કેતા સંજયસિંહ ગોહિલ અને નીલરાજ સંજયસિંહ ગોહિલનું મોત
મહારાષ્ટ્રના દિગ્વિજયનું મોત

Reporter: admin