દેશમાં ફિલ્મો અને OTT કન્ટેન્ટની વધતી જતી પાયરેસીને લઈને કેન્દ્ર સરકારે કડક વલણ અપનાવ્યું છે. માહિતી અને પ્રસારણ મંત્રાલયે ટેલિગ્રામને નોટિસ જારી કરીને પાયરેટેડ ફિલ્મો અને વેબ સિરીઝના ગેરકાયદે પ્રસારણ સામે તાત્કાલિક અસરથી કાર્યવાહી કરવા નિર્દેશ આપ્યો છે.
સરકારે ટેલિગ્રામને 15 દિવસની અંદર કરવામાં આવેલી કાર્યવાહીનો વિગતવાર એક્શન રિપોર્ટ મંત્રાલય સમક્ષ રજૂ કરવા પણ જણાવ્યું છે. સરકારનું માનવું છે કે ડિજિટલ પ્લેટફોર્મ પર મોટા પાયે થતી પાયરેસીના કારણે ફિલ્મ ઉદ્યોગ, બ્રોડકાસ્ટર્સ, OTT પ્લેટફોર્મ, નિર્માતાઓ અને વિતરકોને ભારે આર્થિક નુકસાન થઈ રહ્યું છે.
Reporter: admin
