વડોદરા નંદેસરી ઔદ્યોગિક વસાહતમાં આવેલ ડામર બનાવતી કંપનીમાં આજે ભીષણ આગ લાગી હતી.એનટીપી તાર કંપનીમાં આગ લાગતા નાસભાગ મચી હતી.અચાનક આગ લાગતા કામદારો ના જીવ પડીકે બંધાયા હતા.

હાલ એક તરફ કાળજાળ ગરમી પડી રહી છે, તો બીજી તરફ આગના બનાવો સામે આવી રહ્યા છે. વડોદરા નજીક નંદેસરીમાં આવેલા ડામર બનાવતી કંપનીમાં અચાનક આગ લાગતા ફાયર વિભાગની મદદ લેવામાં આવી હતી. આ આગ બાયો ભઠ્ઠીમાં લાગતા નાસભાગ મચી જવા પામી હતી. 

એનટીપી તાર કંપનીમાં અચાનક આગ લાગતા ફાયર વિભાગને જાણ કરાઈ હતી આગ લાગી હોવાનો સંદેશ મળતા ફાયર બ્રિગેડની ટુકડી ઘટના સ્થળે પહોંચી ગઈ હતી. 

ફાયર વિભાગના લાસ્કરોએ આગ ઉપર પાણીનો મારો ચલાવી આગ કાબુમાં લેવાના પ્રયાસ શરૂ કર્યા હતા.એનટીપી તાર કંપનીમાં લાગેલી આગ ને પગલે નજીકમાં આવેલી કંપનીઓના કામદારોના જીવ તાળવે ચોટ્યા હતા. સુદકેમ ની બાજુમાં આવેલ એનટીપી તાર કંપનીમાં આગના બનાવને પગલે પોલીસ વિભાગ ઘટના સ્થળે પહોંચ્યું હતું.

Reporter: News Plus