ભારતની ખાનગી અંતરિક્ષ કંપની સ્કાયરુટ એરોસ્પેસ તેના પ્રથમ ઓર્બિટલ લોન્ચ વ્હિકલ 'વિક્રમ-1' રોકેટના પ્રક્ષેપણ માટે અંતિમ તબક્કાની તૈયારીઓમાં વ્યસ્ત છે. આ મિશન ભારતના ખાનગી અંતરિક્ષ ક્ષેત્ર માટે એક મહત્વપૂર્ણ સીમાચિહ્ન માનવામાં આવી રહ્યું છે.
'વિક્રમ-1' એક ત્રણ તબક્કાવાળું સોલિડ-ફ્યુઅલ રોકેટ છે, જે નાના ઉપગ્રહોને પૃથ્વીની નીચલી કક્ષામાં (Low Earth Orbit) સ્થાપિત કરવાની ક્ષમતા ધરાવે છે. આ રોકેટનું પ્રક્ષેપણ સફળ રહ્યું તો ભારત ખાનગી ક્ષેત્ર દ્વારા ઓર્બિટલ લોન્ચ કરનારા દેશોની યાદીમાં વધુ મજબૂત સ્થાન પ્રાપ્ત કરશે.
સ્કાયરુટ એરોસ્પેસે અગાઉ 'વિક્રમ-એસ' સબ-ઓર્બિટલ રોકેટનું સફળ પ્રક્ષેપણ કરીને ઈતિહાસ રચ્યો હતો. હવે કંપનીનું ધ્યાન તેના પ્રથમ સંપૂર્ણ ઓર્બિટલ મિશન 'વિક્રમ-1' પર કેન્દ્રિત છે, જે ભારતના વધતા સ્પેસ ઇકોસિસ્ટમ માટે મહત્વપૂર્ણ સાબિત થઈ શકે છે.
Reporter: admin
