દેશમાં ચલણ વ્યવસ્થામાં મોટો અને આધુનિક બદલાવ લાવવાની દિશામાં ભારતીય રિઝર્વ બેંક (RBI) મહત્વપૂર્ણ પગલું ભરવા જઈ રહી છે. સત્તાવાર સૂત્રોના જણાવ્યા મુજબ RBI ટૂંક સમયમાં પોલિમર (પ્લાસ્ટિક) બેંક નોટો માટે પાયલોટ પ્રોજેક્ટ શરૂ કરવાની તૈયારીમાં છે. આ માટે વૈશ્વિક સ્તરે ટેન્ડર પણ બહાર પાડવામાં આવ્યું છે.
પ્રારંભિક તબક્કામાં 10 રૂપિયા અને 20 રૂપિયાના પોલિમર નોટોનું પરીક્ષણ કરવામાં આવશે. પાયલોટ પ્રોજેક્ટ સફળ રહે તો વર્ષ 2027થી દેશભરમાં તબક્કાવાર પ્લાસ્ટિકના નોટોનું વ્યાપક ચલણ શરૂ થઈ શકે છે. ત્યારબાદ અન્ય મૂલ્યવર્ગના નોટો પણ પોલિમર સામગ્રીમાં રજૂ કરવામાં આવે તેવી શક્યતા છે.
RBIના આ નવા નોટોમાં અદ્યતન સુરક્ષા સુવિધાઓનો સમાવેશ કરવામાં આવશે, જેના કારણે નકલી નોટો બનાવવી વધુ મુશ્કેલ બનશે. ઉપરાંત, પોલિમર નોટો સામાન્ય કાગળના નોટોની તુલનાએ વધુ મજબૂત અને ટકાઉ હોય છે. તે સરળતાથી ફાટતા નથી અને લાંબા સમય સુધી ઉપયોગમાં રહી શકે છે, જેના કારણે ચલણ છાપવાનો ખર્ચ પણ ઘટી શકે છે.
Reporter: admin
