નવી દિલ્હી : કોંગ્રેસના મહાસચિવ પ્રિયંકા ગાંધીએ વાયનાડ લોકસભા પેટાચૂંટણી માટે કોંગ્રેસના ઉમેદવાર તરીકે ઉમેદવારી નોંધાવી હતી. એફિડેવિટમાં તેમણે 12 કરોડ રૂપિયાથી વધુની સંપત્તિ જાહેર કરી છે. તેમની પાસે 4.24 કરોડ રૂપિયાની જંગમ અને 7.74 કરોડ રૂપિયાની સ્થાવર સંપત્તિ છે.
આ સિવાય તેમણે તેમના પતિ રોબર્ટ વાડ્રાની સંપત્તિની વિગતો પણ આપી છે. વાડ્રાની કુલ સંપત્તિ રૂ. 65.54 કરોડ છે, જેમાંથી જંગમ મિલકતોની કિંમત રૂ. 37.9 કરોડ અને સ્થાવર મિલકતો રૂ. 27.64 કરોડની છે.
પ્રિયંકાના એફિડેવિટ પર બીજેપી પ્રવક્તા ગૌરવ ભાટિયાએ ગુરુવારે કહ્યું - 'પ્રિયંકા ગાંધી વાડ્રાના એફિડેવિટમાં પતિ રોબર્ટ વાડ્રાની પ્રોપર્ટી વિશે ખોટી માહિતી આપવામાં આવી છે. રોબર્ટ વાડ્રાની આવક ઓછી છે, પરંતુ આવકવેરા વિભાગ વધુ માગ કરી રહ્યું છે. આ કેવી રીતે થઈ શકે? તેણે શિમલામાં એક ઘર ખરીદ્યું, પરંતુ તેની કિંમતનો દસમો ભાગ જ આપ્યો. એટલે કે બતાવવાના દાંત જુદા અને ખાવાના દાંત જુદા.કાલપેટ્ટામાં જિલ્લા મુખ્યાલયમાં પ્રિયંકાના નામાંકન સમયે સોનિયા ગાંધી, રાહુલ ગાંધી અને કોંગ્રેસ અધ્યક્ષ મલ્લિકાર્જુન ખડગે પણ હાજર હતા.
કાલપેટ્ટામાં જિલ્લા મુખ્યાલયમાં પ્રિયંકાના નામાંકન સમયે સોનિયા ગાંધી, રાહુલ ગાંધી અને કોંગ્રેસ અધ્યક્ષ મલ્લિકાર્જુન ખડગે પણ હાજર હતા.
ભાટિયાએ કહ્યું- કોંગ્રેસે રાષ્ટ્રીય અધ્યક્ષ ખડગેનું અપમાન કર્યું
ગૌરવ ભાટિયાએ સોનિયા ગાંધી, રાહુલ ગાંધી અને મલ્લિકાર્જુન ખડગેની તસવીરો બતાવી હતી. ખડગે પાછળની સીટ પર બેઠા હતા. તેમણે કહ્યું કે ખડગે પછાત વર્ગમાંથી આવે છે. તેમને અમુક પદ પર બેસાડીને આ લોકોએ રિમોટ હાથમાં રાખ્યું છે. આ લોકો કોઈ બહારના વ્યક્તિને નેતા તરીકે સ્વીકારવા માગતા નથી. મૌલાનાઓની બેઠકમાં તેઓએ કોંગ્રેસને મુસ્લિમ પાર્ટી ગણાવી છે.
Reporter: admin
